ନୂଆଦିଲ୍ଲୀ: ଆଜିଠାରୁ ୫୦ ବର୍ଷରୁ ଊଦ୍ଧ୍ୱର୍ ବୟସ୍କଙ୍କ ଟୀକାକରଣ ଆରମ୍ଭ ହୋଇଛି । ଏହି କ୍ରମରେ ପ୍ରଥମ ଟୀକା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିି ପ୍ରଥମ ଡୋଜ ନେଇଛନ୍ତି । ଭାରତ ବାୟୋଟେକର କୋଭାକ୍ସିନ ଟୀକା ମୋଦି ଆଜି ସକାଳୁ ନେଇଛନ୍ତି । ମୋଦି ସକାଳେ ଦିଲ୍ଲୀ ଏମ୍ସରେ ପହଞ୍ଚି ଟୀକା ନେଇଛନ୍ତି । ଏହି ଟୀକା ନେଇ ପୂର୍ବରୁ ବିରୋଧୀଙ୍କ ପ୍ରଶ୍ନ ଓ ଟୀକାଟୀପଣିରେ ପୂର୍ଣ୍ଣଛେଦ ଟାଣିଛନ୍ତି ।
ଭାରତ ବାୟୋଟେକ ଓ ସେରମ ଇନଷ୍ଟିଚ୍ୟୁଟର କରୋନା ଟୀକା କୋଭାକ୍ସିନକୁ ମଞ୍ଜୁରୀ ପ୍ରଦାନ ପରେ ବିରୋଧୀ ଦଳ ଅନେକ ପ୍ରଶ୍ନ କରିଥିଲେ । ଏପରିକି ଭାକସିନ୍ କାମ କରିବା ନାହିଁ ବୋଲି ମଧ୍ୟ ଟାର୍ଗେଟ କରିଥିଲେ । ପୂର୍ବରୁ ବିରୋଧୀ ନେତା ମାନେ ଏହି ଟୀକାର ବିଶ୍ୱସନୀୟତା ଓ କାର୍ଯ୍ୟକାରିତା ଉପରେ ନାନା ପ୍ରଶ୍ନ କରିବା ସହ ପ୍ରଧାନମନ୍ତ୍ରୀ ପ୍ରଥମେ ଟୀକା ନେବାକୁ ଚ୍ୟାଲେଞ୍ଜ କରି ଆସୁଥିଲେ ।
ସେହିପରି ରାଜ୍ୟରେ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଟୀକା ନେଇଛନ୍ତି । ବିଧାନସଭା ପରିସର ଚିକିତ୍ସାଳୟରେ ଟିକା ନେଲେ ମୁଖ୍ୟମନ୍ତ୍ରୀ। ଏନେଇ ମୁଖ୍ୟମନ୍ତ୍ରୀ ଟ୍ୱିଟ କରି ଜଣାଇଛନ୍ତି।
