ଓଡିଶା

ସବୁଦିନ ସର୍ବସାଧାରଣ ଦର୍ଶନ ପାଇଁ ୮ ତାରିଖରେ ବୈଠକ

(ଜୟନ୍ତ କୁମାର ସେଠୀ / ଗୋପ) ; କୋଭିଡ କଟକଣା ମଧ୍ୟରେ ଶ୍ରୀମନ୍ଦିରରେ ଶ୍ରୀଜିଉଙ୍କୁ ଦର୍ଶନ କରୁଛନ୍ତି ଭକ୍ତ । ଏବେ ସପ୍ତାହ କୁ ମାତ୍ର ୫ ଦିନ ସର୍ବସାଧାରଣ ଦର୍ଶନ ମିଳୁଥିବା ବେଳେ ଶନିବାର ଓ ରବିବାର ଦର୍ଶନ ବନ୍ଦ ରହୁଛି । ସବୁ ଦିନ ସର୍ବସାଧାରଣ ଦର୍ଶନ ନିମନ୍ତେ ଆସନ୍ତା ୮ ତାରିଖରେ ଶ୍ରୀମନ୍ଦିର ପ୍ରଶାସନ ପକ୍ଷରୁ ଏକ ଗୁରୁତ୍ୱପୂର୍ଣ୍ଣ ବୈଠକ ବସିବ । ନୀଳାଦ୍ରି ଭକ୍ତ ନିବାସରେ ବସିବାକୁ ଥିବା ଏହି ବୈଠକରେ ପୂର୍ବରୁ ନିର୍ଦ୍ଧାରିତ ଏସଓପି ନେଇ ଆଲୋଚନା କରାଯିବ । ଶ୍ରୀମନ୍ଦିର ମଧ୍ୟରେ ମହାପ୍ରସାଦ ସେବନ, ଭକ୍ତ ମାନେ ଭୋଗ ନଡ଼ିଆ ନେବା ଉପରେ ଥିବା କଟକଣା କୋହଳ ନେଇ ନିଷ୍ପତ୍ତି ନିଆଯିବାର ସମ୍ଭାବନା ରହିଛି। ଆସନ୍ତା ୮ ତାରିଖ ଦିନ ୧୨ଟାରେ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ ଅଧ୍ୟକ୍ଷତାରେ ଏହି ବୈଠକ ବସିବ । ଦୁଇ ଡୋଜ ଟୀକା ସାର୍ଟିଫିକେଟ ଓ ଆରଟିପିସିଆର୍ ନେଗେଟିଭ ରିପୋର୍ଟକୁ ନେଇ ନିଆଯାଇଥିବା ନିଷ୍ପତ୍ତିର ମଧ୍ୟ ସମୀକ୍ଷା କରାଯିବ । ଏବେ କୋଭିଡ ସଂକ୍ରମଣ ମାମଲା କମିଥିବା ହେତୁ ସପ୍ତାହ ର ସାତଦିନ ମହାପ୍ରଭୁଙ୍କ ଦର୍ଶନ ବ୍ୟବସ୍ଥା କରିବା ନେଇ ଭକ୍ତ ଓ ସେବାୟତ ମହଲରେ ଦାବି କରାଯାଉଛି।

 

Related posts

କଳ୍ପନା ଛକରେ ଥିବା ଫଳ ଦୋକାନରେ ଅଗ୍ନିକାଣ୍ଡ

mahabharatanews

ଶ୍ରାବଣ ମାସରେ ଜଳପ୍ରିୟ ଶିବଙ୍କୁ ଜଳଅଭିଷେକ କଲେ ଜୀବନ ସୁଖଶାନ୍ତିରେ ଭରିଯାଏ

mahabharatanews

ଜଟଣୀ ଜମି ସମସ୍ୟାର ସମାଧାନ କରି ଲୋକଙ୍କୁ ପଟ୍ଟା ଦେବାକୁ ନିର୍ଦେଶ ଦେଲେ ମୁଖ୍ୟମନ୍ତ୍ରୀ

mahabharatanews