(ନୂଆଦିଲ୍ଲୀ): ଦୁନିଆର ସବୁଠାରୁ ଲୋକପ୍ରିୟ ସର୍ଚ୍ଚ ଇଞ୍ଜିନ ଗୁଗଲକୁ ବଡ଼ ଝଟକା ମିଳିଛି । ୧୭୭ ମିଲିୟନ୍ ଡଲାର ଅର୍ଥାତ ଭାରତୀୟ ମୁଦ୍ରାରେ ୧୩୦୫ କୋଟି ଟଙ୍କାର ଜୋରିମାନା ଲାଗିଛି ଗୁଗଲ ଉପରେ । ମୋବାଇଲ ଅପରେଟିଂ ସିଷ୍ଟମ ଏବଂ ଆପ୍ ମାର୍କେଟରେ ଏକଚାଟିଆ ମନୋଭାବ ପାଇଁ ଗୁଗଲକୁ ଏହି ଝଟକା ମିଳିଛି । ଗୁଗଲର ମନମୁଖୀ କାର୍ଯ୍ୟ ପାଇଁ ଦକ୍ଷିଣ କୋରିଆରେ ଏକ ବିଲ ପାସ୍ କରାଯାଇଥିଲା । ମାତ୍ର ଏବେ ତାହା ଆଇନରେ ପରିଣତ ହୋଇଛି । ସବୁଠାରୁ ବଡ଼ କଥା ହେଉଛି ଆଇନ୍ ଆସିବା ପରେ ପ୍ରଥମ ଥର ପାଇଁ ଗୁଗଲ ଉପରେ ଏତେ ବଡ଼ ଝଟକା ଲାଗିଛି । ଅନେକ ବର୍ଷ ହେଲା ଗୁଗଲ ଆପ୍ ହେଲପର୍ସଙ୍କୁ ନିଜର ପେମେଣ୍ଟ ସିଷ୍ଟମ ବ୍ୟବହାର କରିବାକୁ ଚାପ ପକାଇ ଆସୁଥିଲା ।
