ଲକ୍ଷ୍ମୀପୁର: କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀ ଭଦ୍ରା ବସିଲେ ଆମରଣ ଅନଶନରେ । ବିରୋଧୀଙ୍କୁ ଅଟକ । ଲକ୍ଷ୍ମୀପୁର ଖେରିରେ ୧୪୪ ଧାରା ଜାରି ।ଏମିତି ଅନେକ କିଛି ଘଟି ଯାଇଛି ଗତ ୨୪ ଘଣ୍ଟା ମଧ୍ୟରେ ଖେରି ଅଞ୍ଚଳରେ ୮ କୃଷକଙ୍କ ମୃତ୍ୟୁ ପରେ । ଗତ କାଲି ଲକ୍ଷ୍ମୀପୁର ଖେରୀର ବାନବୀରପୁର ନିକଟରେ ହୋଇଥିବା ସଂଘର୍ଷରେ ଉତ୍କ୍ଷିପ୍ତ ଚାଷୀ ଦୁଇଟି ଏସୟୁଭିରେ ନିଆଁ ଲଗେଇ ଦେଇଛନ୍ତି ।
ପ୍ରିୟଙ୍କା ପାକ ଗେଷ୍ଟହାଉସ ସମ୍ମୁଖରେ ଆମରଣ ଅନଶନରେ ବସିବା ସହ ଭାରତୀୟ ଜନତା ପାର୍ଟି ବିରୋଧରେ ନାରାବାଜି କରିଛନ୍ତି । ଗେଷ୍ଟ ହାଉସର ଯେଉଁ କୋଠରୀରେ ପ୍ରିୟଙ୍କାଙ୍କୁ ଅଟକ ରଖାଯାଇଛି, ସେଠାରେ ସେ ଝାଡୁ ଦେଉଥିବା ମଧ୍ୟ ଦେଖିବାକୁ ମିଳିଛି ।
ଏନେଇ ୟୁପି କଂଗ୍ରେସ ଟ୍ୱିଟ କରି କହିଛି, କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧୀଙ୍କୁ ଗିରଫ କରାଯାଇଛି । ସେ ଆମରଣ ଅନଶନରେ ବସିଛନ୍ତି । କଂଗ୍ରେସ ପକ୍ଷରୁ ବିକ୍ଷୋଭ ଜାରି ରହିଛି । ନ୍ୟାୟ ପ।।ଇଁ ଦାବି କରି କଂଗ୍ରେସ ଏହି ଆନ୍ଦୋଳନକୁ ଆହୁରି ତିବ୍ର କରିବ ଓ ସରକାରକୁ କଂଗ୍ରେସ ନିକଟରେ ମୁଣ୍ଡ ନୁଆଁଇବାକୁ ପଡିବ ବୋଲି କଂଗ୍ରେସ କହିଛି । ରବିବାର ଖେରୀରେ ବିଜେପି ମନ୍ତ୍ରୀଙ୍କ ପୁଅଙ୍କ ଗାଡି ଧକ୍କାରେ କୃଷକଙ୍କ ମୃତ୍ୟୁ ପରେ ଦେଖାଦେଇଥିଲା ହିଂସା । ଏହି ଘଟଣାରେ ମୋଟ ୮ ଜଣଙ୍କ ମୃତ୍ୟୁ ହୋଇଛି । ଆଜି ପ୍ରିୟଙ୍କା ଗାନ୍ଧୀ ସେଠାକୁ ଯାଉଥିବା ବେଳେ ୟୁପି ପୁଲିସ ତାଙ୍କୁ ଅଟକ ରଖିଥିଲା ।
