(ଭୁବନେଶ୍ୱର) : ଜୁନ୍ ୯ ପୂର୍ବରୁ କେରଳକୁ ମୌସୁମୀ ଛୁଇଁବାର ସମ୍ଭାବନା ପ୍ରାୟ ନାହିଁ ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ । ମୌସୁମୀ କେରଳ ଆସିବାକୁ ଆହୁରି ୩ ଦିନ ବିଳମ୍ବ ହେବ ବୋଲି ଏକ ପ୍ରକାର ସ୍ପଷ୍ଟ ହୋଇଗଲାଣି।
ଅନ୍ୟପଟେ ଓଡ଼ିଶାକୁ ୧୯ ତାରିଖ ପୂର୍ବରୁ ମୌସୁମୀ ଆସିବା ସମ୍ଭାବନା କମ୍। ଏଣୁ ଏଥର ରଜ ପ୍ରବଳ ଗରମ ଓ ଗୁଳୁଗୁଳିର କଟିବ ବୋଲି ପ୍ରାୟତଃ ସ୍ପଷ୍ଟ। ଏଣୁ ଏଥରର ବିଳମ୍ବିତ ମୌସୁମୀ ଓ ନିଅଣ୍ଟିଆ ବର୍ଷା ଚାଷୀକୂଳର ଚିନ୍ତା ବଢ଼ାଇବ ବୋଲି ଅନୁମାନ କରାଯାଉଛି।
ସୂଚନାନୁଯାୟୀ , ଭାରତୀୟ ପାଣିପାଗ ବିଭାଗ କହିଛି, ଗତକାଲି ଦକ୍ଷିଣ-ପୂର୍ବ ଆରବ ସାଗର ଅଞ୍ଚଳରେ ସୃଷ୍ଟ ଲଘୁଚାପ ଉତ୍ତର-ଉତ୍ତରପଶ୍ଚିମ ଦିଗରେ କରି ଆଜି ସକାଳେ ଏକ ଅବପାତ ଓ ଆହୁରି ଘନୀଭୂତ ହୋଇ ଗଭୀର ଅବପାତର ରୂପ ନେଇଛି। ଏହା ଧୀରେ ଧୀରେ ଉତ୍ତର ଦିଗରେ ଗତି କରି ଅଧିକ ଘନୀଭୂତ ହୋଇଛି ଓ ଏହା ରାତି ୮ଟା ସୁଦ୍ଧା ସାମୁଦ୍ରିକ ଝଡ଼ ‘ବିପର୍ଯ୍ୟୟ’ରେ ପରିଣତ ହୋଇଛି। ବାତ୍ୟାଟି ମୌସୁମୀର ଗତିପଥରେ ବାଧକ ସାଜିବ।
