(ଦିଲ୍ଲୀ) : ଆସୁଛି ବାତ୍ୟା ‘ବିପର୍ଯ୍ୟୟ’ । ସମୀକ୍ଷା ପାଇଁ ପ୍ରଧାନମନ୍ତ୍ରୀ ମୋଦି ଡକାଇଲେ ବୈଠକ । ଦିନ ୧ ଟାରେ ଏହି ବୈଠକ ବସିଥିବା ଜଣାପଡିଛି । ଆରବ ମହାସାଗରେ ସୃଷ୍ଟି ହୋଇଥିବା ଏହି ବାତ୍ୟା ୧୫ ତାରିଖ ସକାଳ ସୁଦ୍ଧା ଦିଗ ବଦଳାଇ ଉତ୍ତର-ପୂର୍ବ ଦିଗରେ ଗତି କରି ଗୁଜରାଟ ଓ ପାକିସ୍ତାନ ଉପକୂଳମୁହାଁ ହେବା ନେଇ ସୂଚନା ରହିଛି ।
ଭାରତୀୟ ପାଣିପାଗ ବିଭାଗ ସୂଚନା ଅନୁସାରେ, ସୌରାଷ୍ଟ୍ର-କଚ୍ଛର ଉପକୂଳ ଦେଇ ଗତି କରିବ ବାତ୍ୟା ବିପର୍ଯ୍ୟୟ । ଏଥିପାଇଁ ଗୁଜୁରାଟର ସୌରାଷ୍ଟ୍ର ଓ କଚ୍ଛରର କିଛି ଅଞ୍ଚଳରେ ୟେଲୋ ୱାର୍ଣ୍ଣିଂ ଜାରି କରାଯାଇଛି । ଏହା ୧୫ ତାରିଖ ସକାଳ ସୁଦ୍ଧା ଦିଗ ବଦଳାଇ ଉତ୍ତର-ପୂର୍ବ ଦିଗରେ ଗତି କରି ଗୁଜରାଟ ଓ ପାକିସ୍ତାନ ଉପକୂଳମୁହାଁ ହେବା ନେଇ ସୂଚନା ରହିଛି । ଆସନ୍ତ ୧୫ ତାରିଖ ଦିନ ଗୁଜରାଟର ମାଣ୍ତବି ଓ ପାକିସ୍ତାନର କରାଚି ମଧ୍ୟରେ ସ୍ଥଳଭାଗ ଛୁଇଁବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି ।
