(ଭୁବନେଶ୍ୱର) : ନନ୍ଦନକାନନରେ ଘଟିଛି ବଡ଼ ଧରଣର ଦୁର୍ଘଟଣା । ରୋପୱେ ସ୍ଥଳରେ ନବ ନିର୍ମିତ ବିଦ୍ୟୁତ୍ ଟ୍ରାନ୍ସଫରମର ମିଟର ୟୁନିଟ ଫାଟିବାରୁ ୩ ଜଣ ଅତି ଗୁରୁତର ହୋଇଛନ୍ତି । ତେବେ ଗୁରୁତର ତିନି ଜଣଙ୍କୁ ପ୍ରଥମେ ସ୍ଥାନୀୟ ଡାକ୍ତରଖାନରେ ଭର୍ତ୍ତି କରାଯାଇଥିଲା । ପରେ ଅବସ୍ଥା ଅତି ଗୁରୁତର ହେବାରୁ ଅନ୍ୟତ୍ର ମେଡିକାଲକୁ ସ୍ଥାନାନ୍ତର କରାଯାଇଥିବା ସୂଚନା ମିଳିଛି । ତେବେ ଅସାବଧାନତା ଯୋଗୁଁ ଅଘଟଣ ଘଟିଛି ବୋଲି ଅନୁମାନ କରାଯାଉଛି ।
ସୂଚନାନୁଯାୟୀ , ଆହତଙ୍କ ମଧ୍ୟରେ ଜଣେ ନନ୍ଦନକାନନର ଅବସରପ୍ରାପ୍ତ ବିଦ୍ୟୁତ୍ କର୍ମଚାରୀ ଶିବରାମ ସାହୁ ହୋଇଥିବା ବେଳେ ୨ ଜଣ ପଶ୍ଚିମବଙ୍ଗର ରୋପୱେର କର୍ମଚାରୀ ସୋମୁ ବାନାର୍ଜୀ ଓ ସୌମ୍ୟ ବାନାର୍ଜୀ ବୋଲି ଜଣାପଡ଼ିଛି ।
