(ପୁରୀ) : ଲୀଳାଖେଳା ସାରି ପୁଣି ରତ୍ନବେଦୀକୁ ଫେରିଛନ୍ତି ଚତୁର୍ଦ୍ଧାମୂର୍ତ୍ତି । ନିଳାଦ୍ରୀ ବିଜେ ହୋଇସାରିଛି । ନୀଳାଚଳ ଅବଢା । ଶ୍ରୀମନ୍ଦିରରୁ ମହାପ୍ରସାଦ ପାଇ କୃତାର୍ଥ ହୋଇଛନ୍ତି ଭକ୍ତ ଓ ସେବାୟତ । ଏହାରି ଭିତରେ ଶେଷ ହୋଇଛି ଘୋଷଯାତ୍ରାର ସମସ୍ତ ପର୍ଯ୍ୟାୟ । ରବିବାର ଦିନ ଅବଢ଼ା ବାହାରିବା ବେଳକୁ ୫ଟା ୧୭ ମିନିଟ୍ ହୋଇଯାଇଥିଲା। ତଥାପି ବହୁ ଭକ୍ତ ଅବଢ଼ା ଖାଇବାକୁ ଅପେକ୍ଷା କରି ରହିଥିଲେ। କିନ୍ତୁ କାଲି ସମୟନୁସାରେ ଭକ୍ତ ମାନେ ନୀଳାଚଳ ଅବଢ଼ା ପାଇଁ ଧନ୍ୟ ମନେ କରିଛନ୍ତି । ଏପରି କି ଭୋଗ ମଣ୍ଡପରୁ ଅବଢ଼ା ବାହାରି ଆନନ୍ଦ ବଜାରକୁ ଆସିବା କ୍ଷଣି ଆନନ୍ଦ ବଜାରରେ ଭିଡ଼ ଜମିଯାଇଥିଲା।
