(ଭୁବନେଶ୍ୱର) : ରାଜ୍ୟରେ ଲଗାତାର ଭାବେ ଦିନକୁ ଦିନ ବୃଦ୍ଧି ପାଇବାରେ ଲାଗିଛି ଡେଙ୍ଗୁ ଆକ୍ରାନ୍ତଙ୍କ ସଂଖ୍ୟା । ନିକଟରେ ପୁରୀ ଭୁବନେଶ୍ୱରକୁ ଟପିଯାଇଥିବା ବେଳେ ଦଶପଲ୍ଲା ଅଞ୍ଚଳର ଜଣେ ଡେଙ୍ଗୁ ରୋଗୀଙ୍କର ମୃତ୍ୟୁ ଘଟିଛି । ତେବେ ମୃତକ ହେଲେ ଦଶପଲ୍ଲା ବ୍ଲକ୍ ଅନ୍ତର୍ଗତ ତେଣ୍ଡାବାଡ଼ି ପଞ୍ଚାୟତ ଖଳିସାହି ଗ୍ରାମର ସଂଜୟ ନାଏକ(୨୯)।
ସୂଚନାନୁଯାୟୀ , ତାଙ୍କୁ ଗତ କିଛିଦିନ ତଳେ ଜ୍ବର ହୋଇଥିଲା। ଯାହାକୁ ନେଇ ଦଶପଲ୍ଲା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା। ୨ଦିନ ଚିକିତ୍ସା ପରେ ଜ୍ବର ନ କମିବାରୁ ତାଙ୍କ ଭିଣୋଇ କଟକ ନେଇଯାଇଥିଲେ। ସେଠାରେ ଯାଇ ପରୀକ୍ଷା କରିବା ପରେ ଗତ ୭ ତାରିଖ ଦିନ ଡେଙ୍ଗୁ ଚିହ୍ନଟ ହୋଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ଗତକାଲି ତାଙ୍କର ମୃତ୍ୟୁ ଘଟିଥିଲା।
