(କାନାଡ଼ା) : ପରଲୋକରେ କାନାଡାର ପୂର୍ବତନ ପ୍ରଧାନମନ୍ତ୍ରୀ ବ୍ରାଏନ୍ ମଲ୍ରୋନି। ତାଙ୍କୁ ୮୪ ବର୍ଷ ବୟସରେ ଦେହାନ୍ତ ହୋଇଛି। ତାଙ୍କ ମୃତ୍ୟୁ ସମ୍ପର୍କରେ ତାଙ୍କ ପରିବାର ସୂଚନା ଦେଇଛନ୍ତି । ସେ ବର୍ଷ ବର୍ଷ ଧରି ରାଜନୀତିରେ ପରଦା ପଛରେ କାମ କରିଥିଲେ । ତେବେ ସେ ଜୋଏ କ୍ଲର୍କଙ୍କଠାରୁ ପରାଜୟର ସମ୍ମୁଖୀନ ହୋଇଥିଲେ। ପରାଜୟ ପରେ ମଧ୍ୟ ସେ ନିରାଶ ହୋଇନଥିଲେ। ଜଣେ ବରିଷ୍ଠ କାର୍ଯ୍ୟନିର୍ବାହୀ ଭାବରେ କର୍ପୋରେଟ୍ କାନାଡାରେ ଯୋଗ ଦେଇଥିଲେ ।
ସୂଚନାନୁଯାୟୀ , ୧୯୭୬ ରେ ପରବର୍ତ୍ତୀ ଫେଡେରାଲ୍ ପ୍ରଗତିଶୀଳ କନେଷ୍ଟବଳ ନେତା ହେବା ପୂର୍ବରୁ ଏକ ଆଇନ ଡିଗ୍ରୀ ହାସଲ କରିଥିଲେ | ପରେ କଞ୍ଜରଭେଟିକରୁ ଛିଡା ହୋଇଥିଲେ । ୧୯୮୩ରେ ସେ ଶେଷରେ କଞ୍ଜରଭେଟିକ ପାର୍ଟିର ନେତୃତ୍ୱ ଜିତି କ୍ଷମତା ଗ୍ରହଣ କଲେ । ସେହି ସମୟରେ ସେ ଶପଥ ନେଇଥିଲେ ଯେ ‘ଆମେ ଏକ ନୂତନ ଦଳ ଏବଂ ଏକ ନୂତନ ଦେଶ ଗଠନ କରିବାକୁ ଯାଉଛୁ।’ ଏହା ପରେ ସେ ସେଣ୍ଟ୍ରାଲ ନୋଭା, ଏନଏସ ପାଇଁ ସାଂସଦ ଭାବରେ ନିର୍ବାଚିତ ହୋଇଥିଲେ। ଏହି ସମୟ ମଧ୍ୟରେ, ଲୋକଙ୍କୁ ଅଧିକରୁ ଅଧିକ ଚାକିରି ଯୋଗାଇଦେବା ପାଇଁ ପ୍ରତିଶୃତି ଦିଆଯାଇଥିଲା |
