ତାଣ୍ଡବ ରଚିଲା ତୋଫାନ । ଭିଏତନାମରେ ପର୍ଯ୍ୟଟକମାନେ ବୋଟରେ ବୁଲୁଥିବା ସମୟରେ, ହଠାତ୍ ଏକ ଝଡ଼ ଆସିଥିଲା । ଫଳରେ ପର୍ଯ୍ୟଟକ ବସିଥିବା ଏକ ବୋଟ୍ ଟି ଓଲଟି ପଡ଼ିଥିଲା । ୱଣ୍ଡର-ସି ନାମକ ଏହି ବୋଟରେ, ୪୮ ଜଣ ଯାତ୍ରୀ ଓ ପାଞ୍ଚ ଜଣ କ୍ରୁ ସଦସ୍ୟ ରହିଥିଲେ । ଏବଂ ହା-ଲଙ୍ଗ ବେ ଅଭିମୁଖେ ଯାତ୍ରା କରୁଥିଲେ। ହେଲେ ବୋଟଟି ଦୁର୍ଘଟଣାର ଶିକାର ହେବାରୁ ଏବେ ୩୪ ଜଣଙ୍କ ଜୀବନ ଯାଇଛି ।
ରିପୋର୍ଟ ଅନୁଯାୟୀ, ଡଙ୍ଗା ବୁଡ଼ି ଯାଇଥିବା ସ୍ଥାନରୁ ଉଦ୍ଧାରକାରୀମାନେ ୧୧ ଜଣଙ୍କୁ ଉଦ୍ଧାର କରିଛନ୍ତି । ଉଦ୍ଧାର ହୋଇଥିବା ଲୋକଙ୍କ ମଧ୍ୟରେ ଜଣେ ୧୪ ବର୍ଷୀୟ ବାଳକ ମଧ୍ୟ ରହିଛି । ଡଙ୍ଗାରେ ଫସି ରହିବାର ପ୍ରାୟ ଚାରି ଘଣ୍ଟା ପରେ ସେମାନଙ୍କୁ ଉଦ୍ଧାର କରାଯାଇଥିଲା। ଏବଂ ସେମାନଙ୍କ ମଧ୍ୟରୁ ଅଧିକାଂଶ ଯାତ୍ରୀ ରାଜଧାନୀ ହାନୋଇରୁ ଆସିଥିବା ପର୍ଯ୍ୟଟକ ଥିଲେ । ସେମାନଙ୍କ ମଧ୍ୟରେ ୨୦ ଜଣ ପିଲା ରହିଥିଲେ। ଘଟଣାସ୍ଥଳରୁ ସମସ୍ତ ମୃତକଙ୍କ ମୃତଦେହ ଉଦ୍ଧାର କରାଯାଇଛି।
