ଗଜପତି : ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସ୍ଥିତ ଶ୍ରୀ ଜଗନ୍ନାଥ ମନ୍ଦିର ନିକଟରେ ଶ୍ରୀ ସତ୍ୟସାଇ ବାବାଙ୍କ 100 ତମ ଜନ୍ମ ଉତ୍ସବ ପାଳନ ହୋଇଛି । ସକାଳୁ ଓଁମ୍ କାରମ ଓ ସୁପ୍ରଭାତ ସହ ନଗର ସଂକୀର୍ତ୍ତନ, ପ୍ରଶାନ୍ତି ପତାକା ଉତ୍ତୋଳନ କରାଯିବା ପରେ, ଶ୍ରୀ ସତ୍ୟସାଇ ବାବାଙ୍କ ପାଲିଙ୍କି ପରିକ୍ରମା କରାଯାଇଥିଲା । ଏହି ପରିକ୍ରମାରେ ଶ୍ରୀ ସତ୍ୟସାଇ ବିଦ୍ୟାଳୟର ଛାତ୍ର ଛାତ୍ରୀ ଓ ବାବାଙ୍କ ଶହ ଶହ ଭକ୍ତ ଅଂଶ ଗ୍ରହଣ କରିଥିଲେ । ପରେ ସାଇବ୍ରତ ପୂଜା କରାଯାଇଥିଲା । ଏବଂ ସନ୍ଧ୍ୟା ସମୟରେ ସାଂସ୍କୃତିକ କାର୍ଯ୍ୟକ୍ରମ ସହ ମଙ୍ଗଳ ଆଳତୀ କରାଯିବାର ବ୍ୟବସ୍ଥା ରହିଛି।
