ଫେବୃଆରୀ ପହିଲାରୁ ଗାଡି କାଗଜ ପତ୍ର ଯାଞ୍ଚ ପ୍ରକ୍ରିୟାକୁ କଡାକଡି କରିବାକୁ ସରକାର ଘୋଷଣା କରିଥିବାବେଳେ ଏବେ ଦୂରରୁ ଦେଖିଲେ ଜଣା ପଡିଯିବ ଗାଡି କାଗଜ ପତ୍ର ଓକେ ଅଛି କି ନାହଁ କାହିଁକି ନା ଗାଡିରେ ଲାଗିବ ଗ୍ରୀନ୍ ଷ୍ଟିକର । ବର୍ତ୍ତମାନ ରାସ୍ତା ଘାଟ ପ୍ରତେକଟି ପ୍ରଦୂଷଣ ସେଣ୍ଟର ଆଗରେ ଲୋକଙ୍କର ଲମ୍ବା ଲାଇନ୍ ଲାଗିଥିବାବେଳେ ପ୍ରଦୂଷଣ ପ୍ରମାଣପତ୍ର ପାଇବା ପାଇଁ ଯାହା ଅସୁବିଧା ରହିଛି ତାହା ଉପରେ ସରକାର ବିଚାର କରୁଥିବା ସୂଚାଇଛନ୍ତି ପରିବହନ ମନ୍ତ୍ରୀ ବିଭୂତି ଜେନା । ଏହାସହ ଆଗାମୀ ଦିନରେ ଅମାନିଆ ଚାଳକଙ୍କ ପ୍ରତି କଡା କାର୍ଯ୍ୟାନୁଷ୍ଠାନ ହେବା ନେଇ ମଧ୍ୟ ଚେତାଇ ଦେଇଛନ୍ତି ମନ୍ତ୍ରୀ । ଆଗକୁ ସଡ଼କ ସୁରକ୍ଷା ମାସ ଆସୁଥିବାରୁ PUCC ମଧ୍ୟ କୋହଳ କରାଯାଇଛି। ୨୦୧୯ରେ ଯେଉଁ ଫାଇନ୍ ବଢ଼ାଯାଇଛି କୋହଳ କରିବାକୁ ତର୍ଜମା କରାଯିବ ବୋଲି ପରିବହନ ମନ୍ତ୍ରୀ କହିଛନ୍ତି । ଯେହେତୁ ଅନ୍ୟ ରାଜ୍ୟରେ ଫାଇନ୍ କମ୍ ରହିଛି, ସେନେଇ ମଧ୍ୟ ପର୍ଯ୍ୟାଲୋଚନା ଚାଲିଛି । ନୂଆ ଓ ପୁରୁଣା ସବୁ ଗାଡିକୁ ପ୍ରମାଣ ମିଳୁଥିବାରୁ ତର୍ଜମା କରାଯାଉଛି । ଯେଉଁ ଗାଡିରୁ ଫାଇନ୍ ଆଦାୟ ସରିଛି, ତାହାର ମଧ୍ୟ ବିଚାର କରାଯାଉଛି । ଏବଂ ଯେଉଁ ଗାଡିର ସବୁ କାଗଜ ପତ୍ର ଓକେ ରହିଛି ସେହି ଗାଡିକୁ ଗ୍ରୀନ ଷ୍ଟିକର ଆରଟିଓ ପକ୍ଷରୁ ମିଳିବା ନେଇ ମଧ୍ୟ ସୂଚାଇ ଦେଇଛନ୍ତି ବିଭାଗୀୟ ମନ୍ତ୍ରୀ ।
ଯେଉଁ ମାନଙ୍କ ଗାଡି କାଗଜ ପତ୍ର ଠିକ୍ ଥିବ ସେମାନଙ୍କ ଗାଡି ପାଇଁ ସରକାର ଯୋଗଇବେ ଗ୍ରୀନ୍ ଷ୍ଟିକର୍
