ହାତର ଘଣ୍ଟା ଦେଖି ଅଜିତ ଙ୍କ ମୃତଦେହ ଚିହ୍ନଟ କରିଥିଲେ ପରିବାର…

ବାରାମତିରେ ବିମାନ ଦୁର୍ଘଟଣାରେ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଅଜିତ ପାୱାର ଏବଂ ଅନ୍ୟ ପାଞ୍ଚ ଜଣଙ୍କ ମୃତ୍ୟୁ ହୋଇଛି। ଆଜି ପୂର୍ବାହ୍ନ ୧୧ଟାରେ ବାରାମତିରେ ଅଜିତ ପାୱାରଙ୍କ ଅନ୍ତିମ ସଂସ୍କାର କରାଯାଇଛି। ଅନ୍ତିମ ସଂସ୍କାରର ପ୍ରଧାନମନ୍ତ୍ରୀ ମୋଦି ଏବଂ ଗୃହମନ୍ତ୍ରୀ ଅମିତ ଶାହା ଯୋଗଦେଇଥିବା କୁହାଯାଇଛି । ତେବେ ବିମାନ ଦୁର୍ଘଟଣାରେ ମୋଟ ୬ ଜଣଙ୍କର ମୃତୁ୍ୟ ହୋଇଥିଲା ବେଳ ମୃତଦେହ ଗୁଡିକ ଚିହ୍ନିବା କଷ୍ଠକର ହୋଇପଡିଥିଲା । ଅଜିତ ଙ୍କ ମୃତଦେହ ଚିହି୍ନିବାର ତାଙ୍କ ହାତ ଘଣ୍ଟା ସାହାର୍ଯ୍ୟ କରିଥିଲା । ଅଜିତଙ୍କ ପରିବାର ତାଙ୍କ ହାତର ଘଣ୍ଟା ଦେଖି ତାଙ୍କ ମୃତଦେହ ଚିହ୍ନଟ କରିଥିଲେ। ଜଣେ ଜାତୀୟ କଂଗ୍ରେସ ପାର୍ଟି କର୍ମୀ କହିଛନ୍ତି ଯେ ଯେତେବେଳେ ଦୁର୍ଘଟଣା ଘଟିଥିଲା, ଆମେ ସମସ୍ତେ ଘଟଣାସ୍ଥଳକୁ ଦୌଡ଼ିଥିଲୁ। ପାୱାର ସାହେବଙ୍କୁ ତାଙ୍କ ହାତର ଘଣ୍ଟା ଦେଖି ଚିହ୍ନଟ କରାଯାଇଥିଲା। ଏନସିପି କର୍ମୀ କହିଛନ୍ତି ଯେ ଘଣ୍ଟା ହେଉଛି ଆମର ନିର୍ବାଚନ ପ୍ରତୀକ। ପାୱାର ସାହେବଙ୍କୁ ମଧ୍ୟ ଘଣ୍ଟା ବହୁତ ପସନ୍ଦ ଥିଲା। ଏହା ସହିତ, ଦଳର ଭବିଷ୍ୟତ ବିଷୟରେ ମଧ୍ୟ ପ୍ରଶ୍ନ ଉଠିଛି। ୪୦ ଜଣ ବିଧାୟକଙ୍କ ଭବିଷ୍ୟତ ବିଷୟରେ ପ୍ରଶ୍ନ ଉଠିଛି ଯେ ଦଳର କମାଣ୍ଡ ସୁନେତ୍ର ପାୱାର, ପାର୍ଥ କିମ୍ବା ପ୍ରଫୁଲ ପଟେଲଙ୍କୁ ଦିଆଯିବ କି ଶରଦ ପାୱାରଙ୍କ ନେତୃତ୍ୱରେ ପରିବାର ପୁଣି ଏକ ହୋଇଯିବ।