ରବିବାର ମେଲବର୍ଣ୍ଣରେ ବର୍ଷର ପ୍ରଥମ ଗ୍ରାଣ୍ଡସ୍ଲାମ ଅଷ୍ଟ୍ରେଲିଆନ ଓପନ ୨୦୨୬ ନିଜ ନାମରେ କରିଛନ୍ତି ସ୍ପେନର ଟେନିସ୍ ତାରକା କାର୍ଲୋସ ଅଲକାରାଜ । ୨୨ ବର୍ଷୀୟ ଅଲକାରାଜ ପୁରୁଷ ଏକକ ଫାଇନାଲରେ ମହାନ ଖେଳାଳି ନୋଭାକ ଜୋକୋଭିକଙ୍କୁ ୨-୬, ୬-୨, ୭-୫ ସେଟରେ ହରାଇଛନ୍ତି। ଅଲକାରାଜଙ୍କ ଏହା ସପ୍ତମ ଗ୍ରାଣ୍ଡ ସ୍ଲାମ ଟାଇଟଲ୍ । ସ୍ପେନର ଏହି ଖେଳାଳି ଗ୍ରାଣ୍ଡସ୍ଲାମର ସବୁ ଟାଇଟଲ୍ ଜିତିବାରେ ବିଶ୍ଵର ସର୍ବକନିଷ୍ଠ ଖେଳାଳି ହେବାର ଉପଲବ୍ଧି ହାସଲ କରିଛନ୍ତି । ଏଥି ସହିତ ସେ ପ୍ରଥମ ଥର ଅଷ୍ଟ୍ରେଲିଆନ ଓପନ ଜିତି ଇତିହାସ ରଚିଛନ୍ତି । ଅଲକାରାଜ ପାଞ୍ଚ ସେଟର ରୋମାଞ୍ଚକର ସେମି ଫାଇନାଲରେ ଆଲେକଜାଣ୍ଡାର ଜ୍ଵେରେଭଙ୍କୁ ହରାଇ ପ୍ରଥମ ଥର ଅଷ୍ଟ୍ରେଲିଆନ ଓପନ ଫାଇନାଲରେ ପହଞ୍ଚିଥିଲେ । ଅନ୍ୟପଟେ ସର୍ବିଆର ଟେନିସ୍ ତାରକା ନୋଭାକ ଜୋକୋଭିକଙ୍କ ୨୫ତମ ଗ୍ରାଣ୍ଡସ୍ଲାମ ଟାଇଟଲ୍ ଜିତିବାର ସ୍ଵପ୍ନ ଚୂରମାର ହୋଇଛି ।
