ୟୁଏଇରେ ଭାରତୀୟ ବ୍ୟକ୍ତିଙ୍କୁ ଅତ୍ୟନ୍ତ ନିର୍ମମ ଭାବେ ହତ୍ୟା କରାଯାଇଥିବା ଅଭିଯୋଗ ହୋଇଛି । ୯ ଖଣ୍ଡ ଅବସ୍ଥାରେ ମିଳିଛି ବ୍ୟକ୍ତିଙ୍କ ମୃତଦେହ। ମୃତକଙ୍କ ଘର କର୍ଣ୍ଣାଟକାର ଉଡୁପିରେ । ଜୁଲାଇ ମାସରେ କର୍ଣ୍ଣାଟକାର ମୂଳବାସିନ୍ଦା ଅଲୱିନ ପ୍ରକାଶ କୁଣ୍ଡେରଙ୍କୁ କରାଯାଇଥିଲା ହତ୍ୟା। ତାଙ୍କ ଖଣ୍ଡବିଖଣ୍ଡିତ ମୃତଦେହକୁ ଓମାନକୁ ଲାଗି ଥିବା ରାସ୍ତା କଡ଼ରେ ପାର୍କ ହୋଇଥିବା ଗୋଟିଏ କାର ଭିତରୁ ଠାବ କରାଯାଇଥିଲା। ତାଙ୍କ ମୃତଦେହକୁ ୯ ଖଣ୍ଡ କରି କଟା ଯାଇଥିବା ବେଳେ ସେଗୁଡ଼ିକୁ ୨ଟି ବ୍ୟାଗ ମଧ୍ୟରେ ରଖାଯାଇଥିଲା।
ପ୍ରକାଶଙ୍କ ମୃତ୍ୟୁ ପରେ ତାଙ୍କ ପତ୍ନୀ ଟିନା କୁଣ୍ଡେର ଓ ୧୦ମ ଶ୍ରେଣୀରେ ପଢ଼ୁଥିବା ପୁଅ ନିଖୋଜ ହୋଇ ଯାଇଛନ୍ତି। ସେମାନଙ୍କ ପତ୍ତା ଏଯାଏ ମିଳି ପାରିନାହିଁ। କୁହାଯାଉଥିଲା ଯେ ପ୍ରକାଶଙ୍କ ମୃତ୍ୟୁ ପରେ ସେମାନେ ଶାରଜା ଛାଡ଼ିଥିଲେ ଓ ଭାରତ ଚାଲି ଆସିଥିଲେ। ହେଲେ ଏଯାଏ ସେମାନଙ୍କ ଠିକଣା ଜଣାପଡ଼ି ନାହିଁ। ସେହିଭଳି ପ୍ରକାଶଙ୍କ ହତ୍ୟା ସହ ସେମାନଙ୍କର କୌଣସି ଲିଙ୍କ୍ ଅଛି କି ନାହିଁ, ସେକଥା ମଧ୍ୟ ସ୍ପଷ୍ଟ ହୋଇନି।
