ସୁବର୍ଣ୍ଣପୁର : ବେଆଇନ ବାଲି ଚାଲାଣକୁ ବନ୍ଦ କରିବା ନିମନ୍ତେ ରାତ୍ରି କାଳୀନ ଚଢ଼ାଉ ହୋଇଛି । ରାତିରେ ତେଲ ନଦୀରୁ ଗୋଟିଏ ହାଇୱା ବେଆଇନ ବାଲି ଚାଲାଣ କରୁଥିବା ସମୟରେ ବ୍ଲକ ଛକ ଠାରେ ସୋନପୁର ଉପଜିଲ୍ଲାପାଳ ଡ଼ଃ ଇପ୍ସିତା ପ୍ରିୟଦର୍ଶିନୀ ମିଶ୍ରଙ୍କ ତତ୍ୱାବଧାନରେ, ତହସିଲଦାର ସୋନପୁର ନବୀନ କିଶୋର ପାଢ଼ୀ । ତଥା ତହସିଲ କାର୍ଯ୍ୟାଳୟର ସୁପରଭାଇଜର ପ୍ରମୁଖ ଚଢ଼ାଉ କରି ବେଆଇନ ବାଲି ଚାଲାଣ ହାଇୱା ଉପରେ ୧ ଲକ୍ଷ ଟଙ୍କା ଜୋରିମାନା କରିଛନ୍ତି ।
ଉକ୍ତ ହାଇୱାକୁ ଜବତ କରାଯାଇ ସୋନପୁର ଟାଉନ ଥାନା ଅଧିକାରୀଙ୍କ ଜିମାରେ ଦିଆଯାଇଛି । ଏଣୁ ଏଣିକି ଆଗକୁ ମଧ୍ୟ ଅନୁରୂପ ଭାବେ ଚଢ଼ାଉ କରାଯାଇ ବେଆଇନ ବାଲି ଚାଲାଣ ତଥା ଅନ୍ୟାନ୍ୟ ବେଆଇନ କାର୍ଯ୍ୟକଳାପ ରୋକିବାକୁ ବନ୍ଦ କରାଯିବ ବୋଲି ସୂଚନା ଦେଇଛନ୍ତି ନୂତନ ଭାବେ ଯୋଗଦାନ କରିଥିବା ଉପଜିଲ୍ଲାପାଳ ଡ଼ଃ ମିଶ୍ର ।
