(ଦିଲ୍ଲୀ) : ‘ଆଦିତ୍ୟ -ଏଲ୍୧’ ହେଉଛି ସୂର୍ଯ୍ୟ ଉପରେ ଅଧ୍ୟୟନ କରିବା ପାଇଁ ଭାରତର ପ୍ରଥମ ମହାକାଶଭିତ୍ତିକ ଅଭିଯାନ, ଯାହାକୁ ସେପ୍ଟେମ୍ବର ୨ ତାରିଖରେ ମହାକାଶକୁ ଉତ୍କ୍ଷେପଣ କରାଯାଇଥିଲା। ଗତକାଲି ରାତି ୨.୧୫ରେ ‘ଆଦିତ୍ୟ-ଏଲ୍୧’ର ଚତୁର୍ଥ କକ୍ଷପଥ ପ୍ରବେଶ ସଫଳ ହୋଇଥିବା କଥା ‘ଇସ୍ରୋ’ ସୂଚନା ଦେଇଛି।
ସୂଚନାନୁଯାୟୀ , ଏ ବିଷୟରେ ‘ଏକ୍ସ’ କରି ‘ଇସ୍ରୋ’ ଲେଖିଛି: ଚତୁର୍ଥ ‘ଆର୍ଥ ବାଉଣ୍ଡ୍ ମାନେଭର୍’ (ଇବିଏନ୍#୪) ସଫଳତାର ସହିତ ସମ୍ପନ୍ନ ହୋଇଛି। ଏହି ମହାକାଶଯାନ ବା ଉପଗ୍ରହର କକ୍ଷପଥ ପରିବର୍ତ୍ତନ ଅଭିଯାନକୁ ମରିସସ୍, ବେଙ୍ଗାଲୁରୁ, ‘ଏସ୍ଡିଏସ୍ସି-ଏସ୍ଏଚ୍ଏଆର୍’ ଓ ପୋର୍ଟବ୍ଲେୟାର୍’ରେ ଅବସ୍ଥିତ ‘ଇସ୍ରୋ’ର ‘ଗ୍ରାଉଣ୍ଡ୍ ଷ୍ଟେସନ୍’ମାନଙ୍କରୁ ଲକ୍ଷ୍ୟ ରଖାଯାଇଥିଲା। ‘ଆଦିତ୍ୟ-ଏଲ୍୧’ ପ୍ରବେଶ କରିଥିବା ଏହି ନୂତନ କକ୍ଷପଥ ପରିସୀମା ହେଉଛି ୨୫୬ କିଲୋମିଟର୍ x ୧୨୧୯୭୩ କିଲୋମିଟର୍। ପରବର୍ତ୍ତୀ କକ୍ଷପଥ ପରିବର୍ତ୍ତନ ‘ଟ୍ରାନ୍ସ୍ ଲାଗ୍ରାନ୍ଜିଆନ୍ ପଏଣ୍ଟ୍ ୧ ଇନ୍ସର୍ସନ୍’ (ଟିଏଲ୍୧ଆଇ) ସେପ୍ଟେମ୍ବର ୧୯ ତାରିଖ ରାତି ୨ଟା ବେଳେ କରାଯିବ। ଏଯାବତ୍ ପୃଥିବୀ ପରିକ୍ରମଣ କରୁଥିବା ଏହି ମହାକାଶଯାନ ଏହାପରେ ତା’ର ଗନ୍ତବ୍ୟସ୍ଥଳ ‘ଏଲ୍୧ ପଏଣ୍ଟ୍’ ଅଭିମୁଖେ ଯାତ୍ରା ଆରମ୍ଭ କରିବ।
