ଜୁନିୟରଙ୍କୁ ଗାଈଗୋରୁଙ୍କ ଭଳି ମାଡ଼ ମାରିଲେ ସିନିୟର । ସାମ୍ନାକୁ ଆସିଛି ଛାତି ଥରାଇ ଦେବା ଭଳି ଭିଡିଓ। ଶିକ୍ଷାନୁଷ୍ଠାନକୁ ରାଗିଂମୁକ୍ତ ପାଇଁ ନିର୍ଦ୍ଦେଶ ରହିଛି। ତଥାପି ଅନେକ ସମୟରେ ଅଧିକାଂଶ ଶିକ୍ଷାନୁଷ୍ଠାନରେ ଜୁନିୟରମାନେ ସିନିୟରଙ୍କ ର଼୍ୟାଗିଂର ଶିକାର ହେଉଥିବା ସୂଚନା ମିଳିବାରେ ଲାଗିଛି । ଆନ୍ଧ୍ର ପ୍ରଦେଶର ଶ୍ରୀ ସୁବାରାୟ ଓ ନାରାୟଣ କଲେଜରେ ଛାତ୍ରମାନଙ୍କୁ ପଶୁଙ୍କ ଭଳି ମାଡ଼ ମରାଯାଉଥିବା ଦୃଶ୍ୟ ସମସ୍ତଙ୍କୁ ବିଚଳିତ କରିଛି।
ଟ୍ରେନିଂ ନାଁରେ କଲେଜର କିଛି ସିନିୟର ଜୁନିୟର ଛାତ୍ରମାନଙ୍କୁ ବାଡ଼ିରେ ପିଟୁଥିବା ଭିଡିଓ ଭାଇରାଲ ହେଉଛି। ଭିଡିଓ ଭାଇରାଲ ହେବାର ପରେ ୬ ଅଭିଯୁକ୍ତଙ୍କୁ ଚିହ୍ନଟ କରାଯାଇଛି। ସେମାନଙ୍କ ମଧ୍ୟରୁ ଜଣଙ୍କୁ ଗିରଫ କରାଯାଇଛି। ଭିଡିଓରେ ଦେଖିବାକୁ ମିଳୁଛି ଯେ ଜଣଙ୍କ ପରେ ଜଣେ ୬ ଛାତ୍ରଙ୍କୁ ୪ ଜଣ ହାତରେ ଲାଠିରେ ଧରି ପ୍ରବଳ ପିଟୁଛନ୍ତି। ସେମାନେ ଏମିତି ମାଡ଼ ମାରୁଛନ୍ତି ଯେ ବାଡ଼ି ମଧ୍ୟ ଭାଙ୍ଗି ଯାଉଛି। ହଷ୍ଟେଲର ଗୋଟିଏ ରୁମରେ ପୂରା ଘଟଣା ଘଟିଛି।
#AndraPradesh
Raging beyond the pitch!In SSN College, Narasa Raopet, Palnadu district, senior students are calling junior students in the name of NCC training at midnight and beating them with sticks.#SaveAPFromTDP #SaveAndraPradesh @dhruvrahtee@DeccanChronicle pic.twitter.com/7YxYPQiQ2c
— SuryaBhai™ 2.0 (@SuryaVkf) July 25, 2024
ଏହି ଘଟଣାରେ ୨ ଜଣ ପୀଡ଼ିତ ଗୁରୁତର ଆହତ ହୋଇଛନ୍ତି। ସେମାନଙ୍କୁ ଏନସିସି ଟ୍ରେନିଂ ନାଁରେ ରୁମକୁ ଡକା ଯାଉଛି ଓ ମାଡ଼ ମରାଯାଇଥିବା ଜଣାପଡ଼ିଛି।
ଭିଡିଓ ଭାଇରାଲ ହେବା ପୋଲିସ ପକ୍ଷରୁ ସୂଚନା ମିଳିଛି ଘଟଣାଟି ଫେବୃଆରୀ ମାସର। କିନ୍ତୁ ଏବେ ଭିଡିଓକୁ ଭାଇରାଲ କରାଯାଉଛି। ପୀଡ଼ିତମାନେ ଭୟରେ ନିଜ ସିନିୟରମାନଙ୍କ ବିରୋଧରେ କୌଣସି ପ୍ରକାରର ଅଭିଯୋଗ କରି ନାହାନ୍ତି।
