(ଭୁବନେଶ୍ୱର) : ବାଲେଶ୍ଵରରେ ମୋ ମାଟି ମୋ ଦେଶ କାର୍ଯ୍ୟକ୍ରମରେ ଯୋଗ ଦେବେ କେନ୍ଦ୍ରମନ୍ତ୍ରୀ ଅଶ୍ବିନ ଚୌବେ । ଏଥିପାଇଁ ଭୁବନେଶ୍ୱରରେ ପହଞ୍ଚିସାରିଛନ୍ତି ଅଶ୍ବିନ ଚୌବେ । କାର୍ଯ୍ୟକ୍ରମରେ ଯୋଗ ଦେବା ସହ ଜଙ୍ଗଲ ଓ ପରିବେଶ ଏବଂ ଜଳବାୟୁ ପରିବର୍ତ୍ତନ ବିଭାଗର ବିଭିନ୍ନ କାର୍ଯ୍ୟର ସମୀକ୍ଷା କରିବେ ।
ସୂଚନାନୁଯାୟୀ , ଇସ୍ରାଏଲ ଯୁଦ୍ଧ ସମ୍ପର୍କରେ ମଧ୍ୟ ମୁହଁ ଖୋଲିଛନ୍ତି କେନ୍ଦ୍ରମନ୍ତ୍ରୀ ଅଶ୍ଵିନ ଚୌବେ । ଭାରତ ବସୁଧୈବ କୁଟୁମ୍ବକମ ରେ ବିଶ୍ୱାସ କରେ ତେଣୁ ସବୁବେଳେ ସମଗ୍ର ବିଶ୍ୱର ଶାନ୍ତି ଚାହେଁ ବୋଲି ସେ କହିଛନ୍ତି । ମହାବୀର, ବୁଦ୍ଧ ଓ ଶାନ୍ତିର ଉପାସକ ଭାବେ ଲୋକଙ୍କୁ ସଦବୁଦ୍ଧି ମିଳୁ ଏବଂ ବିଶ୍ବରୁ ଆତଙ୍କବାଦ ବିଲୋପ ହେବା ଆବଶ୍ୟକ । ଏଥିପାଇଁ ସମଗ୍ର ବିଶ୍ୱର ଶକ୍ତି ଏକ ହେବା ଆବଶ୍ୟକ ବୋଲି ସେ କହିଛନ୍ତି ।
