ରାଜଧାନୀରେ ଯୁବକଙ୍କୁ ଗୋଡାଇ ଗୋଡାଇ ହାଣିଲେ ର୍ଦୁବୃତ୍ତ

ଭୁବନେଶ୍ୱର: ଦିନକୁ ଦିନ ଅସୁରକ୍ଷିତ ହେଉଛି ରାଜଧାନୀ ଭୁବନେଶ୍ୱର । ସ୍ମାର୍ଟ ସିଟି ଘୋଷଣା ହେବା ପରେ ମଧ୍ୟ ରାଜଧାନୀରେ ଅପରାଧ ନିୟନ୍ତ୍ରଣ ହୋଇପାରୁନି । ରାଜଧାନୀରେ ବାରମ୍ବାର ଖଣ୍ଡା ବୁଲିବା ନେଇ ଏବେ ପୁଲିସର ପାରିବା ପଣିଆ ଉପରେ ପ୍ରଶ୍ନବାଚୀ ସୃଷ୍ଟି ହୋଇଛି । ତେବେ ଆଜି ସକାଳୁ ଯୁବକଙ୍କୁ ମରଣାତ୍ମକ ଆକ୍ରମଣ ହୋଇଥିବା ଜଣାପଡିଛି । ଭୁବନେଶ୍ୱର ଭୀମଟାଙ୍ଗି ଅଂଚଳରେ ବୁଲିଲା ଖଣ୍ଡା । ସରୋଜ ତ୍ରିପାଠୀ ନାମକ ଯୁବକଙ୍କୁ ଗୋଡ଼ାଇ ଗୋଡ଼ାଇ ହାଣିଲେ ଦୁର୍ବୃତ୍ତ । ଆକ୍ରମଣର ଶିକାର ହୋଇଥିବା ଯୁବକ ଭୁବନେଶ୍ୱର ଭୀମଟାଙ୍ଗି ଅଂଚଳର ବୋଲି ଜଣାପଡିଛି । ଗୁରୁତର ଅବସ୍ଥାରେ ସରୋଜଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତି କରାଯାଇଛି । ଆଜି ସକାଳ ସାଢ଼େ ୭ଟାରେ ସର୍ବ ସମ୍ମୁଖରେ ଘଟିଛି ଏଭଳି ଘଟଣା । ପୂର୍ବ ଶତ୍ରୁତାକୁ ନେଇ ଆକ୍ରମଣ ହୋଇଥିବା କୁହାଯାଉଥିବା ବେଳେ ହୋଲି ସମୟରେ ଗଣ୍ଡଗୋଳ କୁ କେନ୍ଦ୍ରକରୀ ଏହି ଆକ୍ରମଣ ହୋଇଛି । ଘଟଣା ସ୍ଥଳରେ ଏୟାରଫିଲଡ଼ ଥାନା ପୋଲିସର ତଦନ୍ତ ଜାରି ।