(ଦିଲ୍ଲୀ) : ଭିସ୍ତାରା ଫ୍ଲାଇଟରେ ବମ୍ । ଦିଲ୍ଲୀରୁ ପୁଣେ ଯାଉଥିବା ଭିସ୍ତାର ଫ୍ଲାଇଟରେ ବୋମା ଥିବା ଧମକ ମିଳିଛି । ଯାହା ପରେ ଦିଲ୍ଲୀ ବିମାନବନ୍ଦରରେ ଉତ୍ତେଜନା ଦେଖାଦେଇଥିଲା। ବିମାନ ପହଞ୍ଚିବା ମାତ୍ରେ ଏଥିରେ କୌଣସି ବମ୍ ଅଛି କି ନାହିଁ ତଦନ୍ତ ଆରମ୍ଭ ହୋଇଥିଲା। ସମସ୍ତ ଯାତ୍ରୀଙ୍କୁ ବିମାନରୁ ସୁରକ୍ଷିତ ଭାବେ ଉଦ୍ଧାର କରାଯାଇଛି।
ସୂଚନାନୁଯାୟୀ , ଏୟାରପୋର୍ଟ ଆଇସୋଲେସନରେ ବିମାନର ୟାଞ୍ଚ ଚାଲିଛି। ସମସ୍ତ ଯାତ୍ରୀ ସେମାନଙ୍କ ସାମଗ୍ରୀ ସହିତ ସୁରକ୍ଷିତ ଭାବେ ବିମାନରୁ ଓହ୍ଲାଇଛନ୍ତି । ଜିଏମଆର କଲ ସେଣ୍ଟର ଶୁକ୍ରବାର ଦିନ ସକାଳ ୮.୫୩ ରେ ବିମାନରେ ଏକ ବୋମାଥିବା ନେଇ ଏକ କଲ୍ ଆସିଥିଲା । ହେଲେ ସନ୍ଧାନରେ ଏପର୍ଯ୍ୟନ୍ତ କିଛି ମିଳିନାହିଁ। ବିମାନରେ କୌଣସି ସନ୍ଦେହଜନକ ଜିନିଷ ନଥିବା ନେଇ ସୂଚନା ରହିଛି ।
