(ଭୁବନେଶ୍ୱର) : ଭୟଙ୍କର ରୂପ ନେଲା ବାତ୍ୟା ‘ମୋକା’ । ବାଂଲାଦେଶ ଓ ମିଆଁମାର ସୀମାନ୍ତରେ ଲ୍ୟାଣ୍ତଫଲ କରିବା ପ୍ରକ୍ରିୟା ଆରମ୍ଭ ହୋଇଯାଇଥିବା ନେଇ ସୂଚନା ରହିଛି । ଫଳରେ ଅନେକ ଲୋକଙ୍କୁ ସ୍ଥାନାନ୍ତର କରିବା ସହ ବିମାନ ମଧ୍ୟ ବାତିଲ କରାଯାଇଛି ।
More visuals of destruction in #Sittwe as #CycloneMocha landfall process to start soon
Video from Phyo Aung#Myanmar pic.twitter.com/6pHRt7I3Ny
— Weatherman Shubham (@shubhamtorres09) May 14, 2023
ସୂଚନାନୁସାରେ, ଲ୍ୟାଣ୍ଡଫଲ ପ୍ରକ୍ରିୟା ଆରମ୍ଭ ହୋଇସାରିଛି । ପ୍ରବଳ ବର୍ଷା ସାଙ୍ଗକୁ ପ୍ରବଳ ବେଗରେ ପବନ ବହୁଛି । ବର୍ତ୍ତମାନ ପବନର ବେଗ ଘଣ୍ଟା ପ୍ରତି ୧୮୦ ରହିଛି । ଅପରାହ୍ନ ୩ଟା ରେ ଏହା ଶୀଖର ବା ପିକ୍ ପଏଣ୍ଟରେ ରହିବ । ସେତେବେଳେ ପବନର ବେଗ ଘଣ୍ଟାପ୍ରତି ୨୧୦ ରହିବ ବୋଲି ପୂର୍ବାନୁମାନ କରାଯାଉଛି । ଏହି ଭୟଙ୍କର ବାତ୍ୟାର ସ୍ଥିତିକୁ ନଜରରେ ରଖି ବାଂଲାଦେଶର ଅନେକ ବିମାନ ବାତିଲ କରାଯିବା ସହ ଉପକୂଳରେ ରହୁଥିବା ଲୋକଙ୍କୁ ସ୍ଥାନାନ୍ତର କରାଯାଇଛି । ସେହିପରି ମିଆଁମାରର ଅନେକ ସ୍ଥାନରୁ ମଧ୍ୟ ଲୋକଙ୍କୁ ସୁରକ୍ଷିତ ସ୍ଥାନକୁ ନିଆଯାଇଥିବା ନେଇ ସୂଚନା ରହିଛି ।
