(ଢେଙ୍କାନାଳ) : ଟାଟା ଷ୍ଟିଲ ପ୍ଲାଣ୍ଟରେ ଦେଖିବାକୁ ମିଳିଛି ଅଘଟଣ । ଗ୍ୟାସ ଲିକ୍ ହୋଇ ଆହତ ୧୯ ଶ୍ରମିକ ଆହତ ହୋଇଥିବା ଜଣା ପଡିଛି । କଣ୍ଟାବଣିଆ ମେରାମଣ୍ଡଳୀସ୍ଥିତ ଟାଟା ଷ୍ଟିଲ କାରଖାନାରେ ଏହି ଦୁର୍ଘଟଣା ଘଟିଥିବା ସୂଚନା ମିଳିଛି । ତେବେ ତୁରନ୍ତ ଆହତଙ୍କୁ ଆମ୍ବୁଲାନ୍ସ ଯୋଗେ ହସ୍ପିଟାଲ ନିଆଯାଇଛି ।
ସୂଚନାନୁଯାୟୀ , ବ୍ଲାଷ୍ଟ ଫର୍ନେସ ୫୨ରେ ପାଇପ ଫାଟି ଦୁର୍ଘଟଣା ଘଟିଥିବା ସୂଚନା ମିଳିଛି । କେତେଜଣ ଆହତଙ୍କୁ କଟକ ଅଶ୍ୱିନୀ ହସ୍ପିଟାଲକୁ ସ୍ଥାନାନ୍ତର କରାଯାଇଥିବା ଜଣାପଡ଼ିଛି । ଜଣଙ୍କ ଅବସ୍ଥା ସଂକଟାପନ୍ନ ରହିଛି । ଷ୍ଟିମ ପାଇପ ଫାଟି ଯିବାରୁ ସେଥିରୁ ଗରମ ପାଣି ପଡି ୧୯ ଜଣ ଆହତ ହୋଇଛନ୍ତି । ଖବର ପାଇ ଜିଲ୍ଲା ପ୍ରଶାସନ ଓ ପୋଲିସ ଘଟଣାସ୍ଥଳରେ ପହଞ୍ଚିଛି ।
