ଟିମ୍ ଇଣ୍ଡିଆର ଦକ୍ଷ ଏବଂ ପୂର୍ବତନ ଅଧିନାୟକ ରୋହିତ ଶର୍ମା ଦିନିକିଆ ବ୍ୟାଟ୍ସମ୍ୟାନ ରାଙ୍କରେ ଏକ ନମ୍ବର ସ୍ଥାନ ହାସଲ କରି ପୁଣି ଥରେ ସମସ୍ତଙ୍କ ନଜରକୁ ଆସିଛନ୍ତି । ‘ହିଟମ୍ୟାନ’ ନ୍ୟୁଜିଲ୍ୟାଣ୍ଡର ଡାରିଲ ମିଚେଲଙ୍କୁ ହଟାଇ ପୁନର୍ବାର ପ୍ରଥମ ସ୍ଥାନ ଅଧିକାର କରିଛନ୍ତି । ଡାରିଲ୍ ମିଚେଲଙ୍କୁ ୱେଷ୍ଟଇଣ୍ଡିଜ୍ ବିପକ୍ଷ ଶେଷ ଦୁଇଟି ଦିନିକିଆ ଖେଳି ନପାରି ତାଲିକାରେ ଖସି ଦ୍ୱିତୀୟ ସ୍ଥାନକୁ ଯାଇଛନ୍ତି। ତେବେ ବିରାଟ କୋହଲି ଏବଂ ଭାରତୀୟ ଅଧିନାୟକ ଶୁଭମନ ଗିଲ୍ ସଦ୍ୟତମ ଦିନିକିଆ ରାଙ୍କିଙ୍ଗରେ ସେମାନଙ୍କର ସ୍ଥାନ ବଜାୟ ରଖିଛନ୍ତି, ଯେଉଁଥିରେ କୋହଲି ୫ମ ଏବଂ ଗିଲ୍ ୪ର୍ଥ ସ୍ଥାନରେ ଅଛନ୍ତି ।
ସେହିପରି ନ୍ୟୁଜିଲ୍ୟାଣ୍ଡ ଅଲରାଉଣ୍ଡର ରଚିନ ରବିନ୍ଦ୍ର ଗୋଟିଏ ସ୍ଥାନ ଉପରକୁ ଉଠି ୧୨ତମ ସ୍ଥାନରେ ପହଞ୍ଚିଛନ୍ତି ।ଡେଭନ୍ କନୱେ ପଚାଶ ଓଭର ଫର୍ମାଟରେ ବ୍ୟାଟ୍ସମ୍ୟାନ ମାନଙ୍କ ମଧ୍ୟରେ ୩୧ତମ ସ୍ଥାନ ହାସଲ କରିଛନ୍ତି । ବ୍ଲାକ୍ କ୍ୟାପ୍ସ ବିପକ୍ଷରେ ଦ୍ୱିତୀୟ ଦିନିକିଆରେ ଶତକ ହାସଲ କରିବା ପରେ ୱେଷ୍ଟଇଣ୍ଡିଜ୍ ଅଧିନାୟକ ଶାଇ ହୋପ୍ ୮ମ ସ୍ଥାନରେ ପହଞ୍ଚିଛନ୍ତି ।
