ଦକ୍ଷିଣ ଆଫ୍ରିକା ବିପକ୍ଷରେ ଲଜ୍ଜାଜନକ ହ୍ୱାଇଟ୍ୱାସ୍ ପରେ ଭାରତୀୟ କ୍ରିକେଟ୍ ଦଳ ବିଶ୍ୱ ଟେଷ୍ଟ ଚାମ୍ପିଅନସିପ୍ ପଏଣ୍ଟ ଟେବୁଲରେ ପାକିସ୍ତାନ ଠାରୁ ପଛରେ ପଡ଼ିଗଲା। ଭାରତୀୟ ଦଳ ଗୌହାଟୀରେ ଆତ୍ମସମର୍ପଣ କଲା ଏବଂ ୪୦୮ ରନରେ ଖେଳ ହାରିଗଲା, ଯାହା ଫଳରେ ଭ୍ରମଣକାରୀ ଦଳ ୨-୦ ରେ ବିଜୟ ହାସଲ କଲା । ଯାହା ଫଳରେ ୨ ଥରର WTC ଫାଇନାଲିଷ୍ଟ ଥିବା ଭାରତୀୟ ଦଳ ଟେବୁଲରେ ୫ମ ସ୍ଥାନକୁ ଖସି, ପାକିସ୍ତାନଠାରୁ ପଛରେ ପଡ଼ିଗଲା । ପରିସ୍ଥିତି ଅନୁସାରେ, ଭାରତ ଚଳିତ WTC ଚକ୍ରରେ ୯ ଟି ଟେଷ୍ଟ ମ୍ୟାଚ୍ ଖେଳିଛି, ୪ ଟି ଜିତିଛି, ୪ ଟି ହାରିଛି ଏବଂ ଗୋଟିଏ ଟେଷ୍ଟ ମ୍ୟାଚ୍ ଡ୍ର ରଖିଛି ।
