(ଉତ୍ତରପ୍ରଦେଶ) : ଆଜି ଦେଶରେ ଶେଷ ଏବଂ ସପ୍ତମ ପର୍ଯ୍ୟାୟ ମତଦାନ ଜାରି ରହିଛି । ଉତ୍ତରପ୍ରଦେଶର ୧୩ଟି ଲୋକସଭା ଆସନ ପାଇଁ ମତଦାନ ଶନିବାର ସକାଳ ୭ଟାରୁ ଆରମ୍ଭ ହୋଇଛି। ଚର୍ଚ୍ଚିତ ଗୋରଖପୁର ଲୋକସଭାରେ ପ୍ରତିଯୋଗିତା ଆକର୍ଷଣୀୟ ଅଟେ। ରାଜ୍ୟ ମୁଖ୍ୟ ଯୋଗୀ ଆଦିତ୍ୟନାଥ ପ୍ରଥମେ ମତଦାନ କରିଛନ୍ତି ଏବଂ ପରେ ଜଳଖିଆ କରିଛନ୍ତି ।
ସୂଚନାନୁଯାୟୀ , ସିଏମ୍ ଯୋଗୀ ଆଦିତ୍ୟନାଥ ଶନିବାର ସକାଳେ ପ୍ରାଥମିକ ବିଦ୍ୟାଳୟ କାନିଆ ଗୋରଖନାଥ ଗୋରଖପୁରର ବୁଥ୍ ନମ୍ବର ୨୨୩ରେ ଭୋଟ୍ ଦେଇଛନ୍ତି। ସିଏମ୍ ପ୍ରଥମ ଭୋଟର ଯିଏକି ତାଙ୍କ ବୁଥରେ ଭୋଟ୍ ଦେଇଛନ୍ତି । ଭୋଟ୍ ଦେବା ପାଇଁ ସିଏମ୍ ଯୋଗୀ ଆଦିତ୍ୟନାଥ ଶନିବାର ସକାଳ ୭ଟାରେ ଜୁଲେଲାଲ ମନ୍ଦିର ନିକଟରେ ଅବସ୍ଥିତ ମତଦାନ କେନ୍ଦ୍ରରେ ପହଞ୍ଚିଥିଲେ। ଭୋଟ୍ ଦେବା ପରେ ସେ ମତଦାନ କେନ୍ଦ୍ର ବାହାରେ ଗଣମାଧ୍ୟମ ବ୍ୟକ୍ତିବିଶେଷଙ୍କୁ ସମ୍ବୋଧିତ କରିଥିଲେ।
