ନୂଆଦିଲ୍ଲୀ: ଆଜିଠୁ ଆରମ୍ଭ ହେବ ମୌସୁମୀ ଅଧୀବେଶନ । ଏହି ଅଧିବେଶନ ୧୯ ଜୁଲାଇରୁ ଆରମ୍ଭ ହୋଇ ଅଗଷ୍ଟ ୧୩ ପର୍ଯ୍ୟନ୍ତ ଏହି ଅଧିବେଶନ ମୋଟ ୧୯ ଦିନର କାର୍ଯ୍ୟ ଦିବସ ସହ ଅନୁଷ୍ଠିତ ହେବ । ଅଧିବେଶନରେ ସରକାର ୨୯ଟି ବିଧେୟକ ଆଗତ କରିବାକୁ ଯୋଜନା ପ୍ରସ୍ତୁତ କରିଥିବା ବେଳେ ୬ଟି ଅଧ୍ୟାଦେଶକୁ ଆଇନର ରୂପ ଦିଆଯିବ । ଅନ୍ୟପଟେ ବିରୋଧୀ ସରକାରକୁ ଘେରିବାକୁ ଏକାଧିକ ପ୍ରସଙ୍ଗରେ ପ୍ରସ୍ତୁତ ରହିଛନ୍ତି । ବିଶେଷ କରି ତୈଳ ଦର ବୃଦ୍ଧିକୁ ନେଇ ସରକାରଙ୍କୁ ଟାର୍ଗେଟ୍ କରିବେ ବିରୋଧୀ । କୋଭିଡ୍ ଦ୍ୱିତୀୟ ଲହର ପରିଚାଳନା ଓ ଟୀକା ଅଭାବ ପ୍ରସଙ୍ଗକୁ ଉଠାଇ ବିରୋଧୀ ସରକାରକୁ ଘେରିବାକୁ ଯୋଜନା ପ୍ରସ୍ତୁତ କରିଥିବା ଜଣାପଡିଛି । ଏହା ବ୍ୟତୀତ କୃଷି ଆଇନ୍ ଓ ଚାଷୀ ଆନ୍ଦୋଳନକୁ ମଧ୍ୟ ଉଠାଇବେ । ବିରୋଧୀର ମୁକାବିଲା ପାଇଁ ଏନଡିଏ ବି ପ୍ରସ୍ତୁତ ଥିବା କୁହାଯାଉଛି।
