(ବାଲେଶ୍ଵର) : ବାହାନଗା ରେଳ ଦୁର୍ଘଟଣାକୁ ମାସେ ଏକ ସପ୍ତାହ ଚାଲିଥିଲେ ମଧ୍ୟ ସେ ଦିନର କରାଳ ରାତିର ଭୟଙ୍କର ଦୃଶ୍ୟ ମନରୁ ଲିଭିନି । ଏପଟେ ଏହି ମାମଲାରେ ୩ ରେଳ କର୍ମଚାରୀଙ୍କୁ ଗିରଫ କରିଛି ସିବିଆଇ । ସିନିଅର ସେକ୍ସନ ଇଂଜିନିୟର ଅରୁଣ କୁମାର ମହନ୍ତ, ମହମ୍ମଦ ଆମୀର ଖାନ, ଟେକନିସିଆନ ପପୁ କୁମାର ଗିରଫ ହୋଇଥିବା ନେଇ ସୂଚନା ରହିଛି । ଆଇପିସି ଧାରା ୩୦୪ ଏବଂ ୨୦୧ରେ ଗରିଫ କରାଯାଇଛି । ଜାଣିକି ଟ୍ରେନକୁ ଦୁର୍ଘଟଣା ମୁହଁକୁ ଠେଲିଥିବା ଅଭିଯୋଗରେ ଗିରଫ ହୋଇଥିବା ନେଇ ସୂଚନା ।
ସୂଚନାନୁଯାୟୀ , ବାଲେଶ୍ବରଠାରୁ ୨୨ କିମି ଦୂର ବାହାନଗା ରେଳ ଷ୍ଟେସନ୍ଠାରେ ଘଟିଥିବା ଭୟାନକ ଦୁର୍ଘଟଣାରେ ଅନେକ ଲୋକ ପ୍ରାଣ ହରାଇଥିଲେ । କିଛି ମୃତଦେହ ଏବେ ବି ସନ୍ଧେହ ଘେରରେ ରହିଛି । ମୃତକଙ୍କ ସଂଖ୍ୟା ଏଯାବତ୍ ୨୯୦ ଟପି ଯାଇଥିବା ଜଣାପଡ଼ିଛି।
