(ଦିଲ୍ଲୀ) : ଉତ୍ତର-ପଶ୍ଚିମ ୟୁରୋପୀୟ ଦେଶ ଆଇସଲ୍ୟାଣ୍ଡରେ ଗତ ୨୪ ଘଣ୍ଟା ମଧ୍ୟରେ ୨,୨୦୦ରୁ ଅଧିକ ଭୂମିକମ୍ପ ରେକର୍ଡ କରାଯାଇଛି। ଫଳରେ ସମଗ୍ର ଦେଶବାସୀ ଆତଙ୍କିତ ହୋଇପଡ଼ିଛି । ଆଇସଲାଣ୍ଡର ରାଜଧାନୀ ରେକ୍ଜାଭକି ଆଖପାଖ ଅଞ୍ଚଳରେ ଏହି ଭୂମିକମ୍ପ (କମ୍ପନ) ଅନୁଭୂତ ହୋଇଛି। ପାଖାପାଖି ୨,୨୦୦ ଭୂକମ୍ପ ଚିହ୍ନଟ ହୋଇଛି ଏବଂ ଆଇସଲାଣ୍ଡର ଦକ୍ଷିଣ-ପଶ୍ଚିମ ଭାଗରେ ସବୁଠାରୁ ବଡ ଭୂମିକମ୍ପ ଅନୁଭୂତ ହୋଇଛି । ଆଗକୁ ଆହୁରି ଭୂକମ୍ପ ଗତିବିଧି ହେବାର ସମ୍ଭାବନା ରହିଛି ବୋଲି କୁହାଯାଇଛି ।
ସୂଚନାନୁଯାୟୀ ,ଏସବୁ ଭୂମିକମ୍ପର ହାରାହାରି ତୀବ୍ରତା ରିକ୍ଟର ସ୍କେଲରେ ୩.୫ ରହିଛି । ଏହା ଖୁବ୍ ଶୀଘ୍ର ଆଗ୍ନେୟଗିରି ବିସ୍ଫୋରଣ ହେବାର ସଙ୍କେତ ପ୍ରଦାନ କରୁଛି । ଆଇଏମଓ କହିଛନ୍ତି ଯେ ମାଉଣ୍ଟ ଫାଗ୍ରାଡାସଫିଏଲ ତଳେ ଅପରାହ୍ଣ ପ୍ରାୟ ୪ଟା ବେଳେ ଭୂମିକମ୍ପ ଆରମ୍ଭ ହୋଇଥିଲା।
