(ମୁମ୍ବାଇ) : ନୂଆ ବାହାହୋଇଥବା ଚର୍ଚିତ କପୁଲ ହେଉଛନ୍ତି ବଲିଉଡ ଅଭିନେତ୍ରୀ ପରିଣିତୀ ଚୋପ୍ରା ଏବଂ ଆପ୍ ନେତା ରାଘବ ଚଢା । ସେପ୍ଟେମ୍ବର ୨୪ରେ ଉଭୟ ହାତକୁ ଦି ହାତ ହୋଇଛନ୍ତି । ଉଭୟଙ୍କ ବିବାହ ଫଟୋ ଏବଂ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ତେବେ ବର୍ତ୍ତମାନ ଖବର ଆସୁଛି ଯେ ଏହି ଦମ୍ପତି ଖୁବ୍ ଶୀଘ୍ର ଆଉ ଏକ ରିସେପ୍ସନ୍ ପାର୍ଟିର ଆୟୋଜନ ହେବାକୁ ଯାଉଛନ୍ତି । ତେବେ ଏହି ରିସେପ୍ସନ୍ ପାର୍ଟିର ନିମନ୍ତ୍ରଣ ପତ୍ର ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ପରିଣିତୀ ଚୋପ୍ରା ଏବଂ ରାଘବ ଚଢା ମୁମ୍ବାଇରେ ଏକ ଗ୍ରାଣ୍ତ ରିସେପ୍ସନ୍ ପାର୍ଟିର ଆୟୋଜନ କରିବେ । ଯେଉଁଥିରେ ଅନେକ ବଲିଉଡ ସେଲିବ୍ରିଟିଙ୍କଠୁ ଆରମ୍ଭ କରି ରାଜ ନେତା ମାନେ ଯୋଗ ଦେବେ ।
ସୂଚନାନୁଯାୟୀ , ସେହିପରି ଚଣ୍ଡିଗଡ଼ର ତାଜ ହୋଟେଲରେ ଆୟୋଜିତ ରିସେପ୍ସନର ନିମନ୍ତ୍ରଣ ପତ୍ର ମଧ୍ୟ ସୋସିଆଲ ମିଡିଆରେ ଭାଇରାଲ ହେଉଛି । ହେଲେ ବର୍ତ୍ତମାନ ପର୍ଯ୍ୟନ୍ତ ଉଭୟଙ୍କ ପକ୍ଷରୁ କୌଣସି ସୂଚନା ଜାରି କରାଯାଇ ନାହିଁ । ଏହି ଭାଇରାଲ୍ ନିମନ୍ତ୍ରଣ ପତ୍ର ଅନୁସାରେ, ଦମ୍ପତି ବର୍ତ୍ତମାନ ତିନୋଟି ଭିନ୍ନ ଭିନ୍ନ ସ୍ଥାନରେ ରିସେପ୍ସନ୍ ପାର୍ଟିର ଆୟୋଜନ କରିବାକୁ ଯାଉଛନ୍ତି । ଏପର୍ଯ୍ୟନ୍ତ ଏ ସମ୍ପର୍କରେ କୌଣସି ସରକାରୀ ଘୋଷଣା ହୋଇନାହିଁ କିନ୍ତୁ ଏହି ନିମନ୍ତ୍ରଣ ପତ୍ର ସୋସିଆଲ ମିଡିଆରେ ଦିନକୁ ଦିନ ଭାଇରାଲ ହେବାରେ ଲାଗିଛି।
