ପୁରୀ : ପୁରୀ ଜିଲ୍ଲା କଣାସ ବ୍ଲକରେ ଅନୁଷ୍ଠିତ ପୋଲିଓ ଅଭିଯାନର ପ୍ରଥମ ଦିନରେ ଭଲ ସଫଳତା ହାସଲ ହୋଇଛି । ଏହି ବ୍ଲକରେ ପ୍ରଥମ ଦିନରେ ୨୧୦ ହଜାର ୭୭୩ ଜଣ ଶିଣୁଙ୍କୁ ପୋଲିଓ ବୁନ୍ଦା ଦିଆଯାଇଥିବା ବ୍ଲକର ପ୍ରୋଗ୍ରାମ ମ୍ୟାନେଜର ଧନେଶ୍ୱର ସ୍ୱାଇଁ ପ୍ରକାଶ କରିଛନ୍ତି । ୫୩ଟି ପୋଲିଓ ବୁଥ କରାଯାଇଥିବା ବେଳେ ୨ଟି ଭ୍ରାମ୍ୟମାଣ ପୋଲିଓ ବୁଥର ଆୟୋଜନ କରାଯାଇଥିଲା । ୨୧୬ ଜଣ ପୋଲିଓ କର୍ମୀ ଏହି କାର୍ଯ୍ୟରେ ନିୟୋଜିତ କରାଯାଇଥିବା ବେଳେ ୧୧ ଜଣ ସୁପରଭାଇଜର ନିଯୁକ୍ତ ହୋଇଥିଲେ । ଜିଲ୍ଲା ଅତିରିକ୍ତ ମୁଖ୍ୟ ଚିକିତ୍ସାଧିକାରୀ ଡ. ଇନ୍ଦିରା ମିଶ୍ର କଣାସ ବ୍ଲକର ବିଭିନ୍ନ ପୋଲିଓ ବୁଥ ବୁଲି କାର୍ଯ୍ୟର ତଦାରଖ କରିଥିଲେ । କଣାସ ଚିକିତ୍ସାଧିକାରୀ ଡ. ବିଶ୍ୱରଞ୍ଜନ ଜେନା, ବ୍ଲକ ସ୍ୱାସ୍ଥ୍ୟ ଶିକ୍ଷାଧିକାରୀ ଦୁଃଶାସନ ସ୍ୱାଇଁ ବିଭିନ୍ନ ବୁଥ ବୁଲିଥିଲେ । ସକାଳ୮ଟା ଠାରୁ ଅପରାହ୍ନ ୪ଟା ପର୍ଯ୍ୟନ୍ତ ବୁଥ ଖୋଲାଯାଇ ପିଲାଙ୍କୁ ପୋଲିଓ ବୁନ୍ଦା ଖୁଆଯାଇଥିଲା ।
କଣାସ: ୨୧୦,୭୭୩ ପିଲାଙ୍କୁ ପୋଲିଓ ବୁନ୍ଦା
