ଜଗତସିଂହପୁର ବିଧାୟକଙ୍କୁ କରୋନା

(ମହାଭାରତ/ଭୁବନେଶ୍ୱର): ବିଜେଡିର ବରିଷ୍ଠ ନେତା ତଥା ଜଗତସିଂହପୁର ବିଧାୟକ ପ୍ରଶାନ୍ତ ମୁଦୁଲି କରୋନାରେ ଆକ୍ରାନ୍ତ ହୋଇଛନ୍ତି । ଏନେଇ ସେ ଆଜି ସୋସିଆଲ ମିଡିଆ ମାଧ୍ୟମରେ ସୂଚନା ଦେଇଛନ୍ତି । ସେ ଏବେ ସୁସ୍ଥ ଅଛନ୍ତି । ନିଜକୁ ସଙ୍ଗରୋଧରେ ରଖିଛନ୍ତି । ତାଙ୍କ ସଂସ୍ପର୍ଶରେ ଆସିଥିବା ବ୍ୟକ୍ତିମାନଙ୍କୁ ନିଜର କରୋନା ଟେଷ୍ଟ କରାଇ ନେବାକୁ ସେ ଅନୁରୋଧ କରିଛନ୍ତି । ସୂଚନାଯୋଗ୍ୟ, ଆଜି ବିଜେଡି ସାଂସଦ ରମେଶ ମାଝି କରୋନା ସଂକ୍ରମିତ ହୋଇଥିବା ବେଳେ ପୂର୍ବରୁ ଦଳର ବହୁ ନେତା କୋଭିଡରେ ଆକ୍ରାନ୍ତ ହୋଇଛନ୍ତି ।