ଲକ୍ଷ୍ନୌ: ବାବା ଚଳାଇଥିଲେ ସେକ୍ସ ରାକେଟ । ସେକ୍ସ ରାକେଟ ଚଳାଇ ଭଣ୍ଡ ବାବା ରୋଜଗାର କରୁଥିଲେ ମୋଟା ଅଙ୍କ । ବାବା ବେଶରେ ଭଣ୍ଡର ଏହି ବେପାର ବେଶ ଭଲ ମଧ୍ୟ ଚାଲିଥିଲା । କିନ୍ତୁ ଗୋଟିଏ ଭିଡିଓ ଭାଇରାଲ ହେବା ପରେ ବାବାଙ୍କ ପୋଲ ଖୋଲିଗଲା ଓ ଶେଷରେ ବାବା ଗଲେ ମାମୁଁ ଘରକୁ । ଘଟଣାଟି ଘଟିଛି ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରେ । ସେକ୍ସ ରାକେଟ୍ ଚଲାଇବା ଅଭିଯୋଗରେ କଳା ବାବାଙ୍କୁ ପୋଲିସ୍ ଗିରଫ କରିଛି।
ଲକ୍ଷ୍ନୌ ଥାନାର ହୁସୈନାବାଦରେ ଜଣେ ବାବା ଦୈବୀ ଶକ୍ତିର ଅଧିକାରୀ କହି ଏକ ଘର ନେଇ ଲୋକଙ୍କ ଚିକିତ୍ସା କରେ । ମୁଖ୍ୟତଃ ମହିଳାଙ୍କ ଧଳା ଛଉ ଏବଂ ବନ୍ଧ୍ୟାତ୍ବର ଚିକିତ୍ସା କରିଥାଏ। ତେବେ ଚିକିତ୍ସା ନାମରେ ସେହି ଘରେ ଚାଲେ ସେକ୍ସ ରାକେଟ । କିଛି ଦିନ ସବୁ ଠିକଠାକ ଥିଲା । କିନ୍ତୁ ଲେ।।କଙ୍କର ବାବାଙ୍କ ଉପରେ ସନ୍ଦେହ ସୃଷ୍ଟିହେଲା । ସ୍ଥାନୀୟ ଲୋକେ ହଠାତ ଦିନେ ବାବାଙ୍କ ଆଡ୍ଡା ଉପରେ ଚଢଉ କରିଦେଲେ ଓ ସେକ୍ସ ରାକେଟର ଜୀବନ୍ତ ଚିତ୍ର ଦେଖିଲେ । କିଛି ମଧ୍ୟ ଏହାକୁ ମୋବାଇଲରେ ରେକର୍ଡ କରି ନେଲେ । ଏହାର ଭିଡିଓ ସୋସିଆଲ ମିଡିଆରେ ଭାଇରାଲ୍ କରି ଦେଇଥିଲେ। ପୋଲିସ୍ ବାବାକୁ ଗିରଫ କରି ଜେଲ୍ ପଠାଇ ଦେଇଛି।
