(କଟକ) : କଟକ ଥାନାରେ ହାଜର ହେଲେ କଣ୍ଠଶିଳ୍ପୀ ସୌରିନ ଭଟ୍ଟ । ଜନୈକ ଯୁବତୀଙ୍କୁ ଅସଦାଚରଣ ଅଭିଯୋଗରେ ଆଜି କଟକ ମହିଳା ଥାନାରେ ହାଜର ହୋଇଛନ୍ତି। ଥାନାରେ ହାଜର ହେବା ପୂର୍ବରୁ ସୌରିନ ଗଣମାଧ୍ୟମରେ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି ଅଭିଯୋଗକାରିଣୀଙ୍କୁ ଚିହ୍ନି ନାହିଁ।
ସୂଚନାନୁଯାୟୀ , ସୌରିନଙ୍କ ଓକିଲ ଓ ତଦନ୍ତକାରୀ ଏସିପି କହିଛନ୍ତି, ସୌରୀନ ଓ ସମ୍ପୃକ୍ତ ଯୁବତୀଙ୍କ ମଧ୍ୟରେ ବନ୍ଧୁତା ଥିଲା। ଏପରିକି ଉଭୟଙ୍କ ମଧ୍ୟରେ ଟଙ୍କା ଦେବା ନେବା ମଧ୍ୟ ହେଉଥିଲା ବୋଲି ଏସିପି ସୂଚନା ଦେଇଛନ୍ତି। ସୌରିନଙ୍କ ୧୬୧ଧାରାରେ ବୟାନ ରେକର୍ଡ ପରେ ଆଜି ତାଙ୍କର ଡ଼ାକ୍ତରୀ ମାଇନା ହୋଇଛି ବୋଲି କହିଛନ୍ତି ଏସିପି।
