(ଜମ୍ମୁ-କଶ୍ମୀର) : ଆତଙ୍କବାଦୀଙ୍କ ହିଂସା ଥମିବାର ନାଁ ନେଉନି । ଜମ୍ମୁ କଶ୍ମୀରରେ ପୁଣି ଥରେ ଆତଙ୍କବାଦୀମାନେ ସାଧାରଣ ଲୋକଙ୍କୁ ଟାର୍ଗେଟ କରିଛନ୍ତି । ଗୁରୁବାର ରାତିରେ ସୋପିଆନ ଜିଲ୍ଲାରେ ୩ ଜଣ ଅଣକାଶ୍ମୀର ଶ୍ରମିକଙ୍କୁ ଆତଙ୍କବାଦୀମାନେ ଗୁଳି କରିଛନ୍ତି । ସେମାନେ ବିହାରର ବାସିନ୍ଦା ବୋଲି ଜଣାପଡିଛି । ସେମାନଙ୍କୁ ଏକ ସ୍ଥାନୀୟ ହସପିଟାଲରେ ଭର୍ତ୍ତି କରାଯାଇଛି ।
ସୂଚନାନୁଯାୟୀ , ଏହି ଘଟଣା ପରେ ପୁଲିସ ଓ ସେନା ଯବାନମାନେ ସୋପିଆନର ଗାଗରାନଙ୍କୁ ଘେରାଉ କରିଥିଲେ। ଗୁଳି କରିଥିବା ଆତଙ୍କବାଦୀଙ୍କୁ ଧରିବାକୁ ସୁରକ୍ଷା ବାହିନୀ ପକ୍ଷରୁ ଏକ ବଡ଼ଧରଣର କମ୍ବିଂ ଅପରେସନ ଆରମ୍ଭ ହୋଇଛି । ଗୁରୁବାର ରାତି ପ୍ରାୟ ୮ଟା ୪୫ ମିନିଟ୍ ରେ ଦୁଇ ଜଣ ମୁଖାପିନ୍ଧା ଦୁର୍ବୃତ୍ତ ଅସ୍ତ୍ରଶସ୍ତ୍ର ଧରି ଉକ୍ତ ପ୍ରବାସୀ ଶ୍ରମିକଙ୍କ ଭଡ଼ା ଘରେ ପଶି ଗୁଳି ଚଳାଇଥିଲେ ।
