ଭୋଡାଫୋନ୍-ଆଇଡିଆର ନୁତନ ନାମ: ‘ଭିଆଇ’

(ନୂଆଦିଲ୍ଲୀ): ଭୋଡାଫୋନ୍ ଓ ଆଇଡିଆ ଟେଲିକମ କମ୍ପାନୀ ମିଶ୍ରଣର ପ୍ରାୟ ଦୁଇ ବର୍ଷ ପରେ ଏହାର ନୂତନ ନାମ ଘୋଷଣା କରାଯାଇଛି। ଭୋଡାଫୋନ୍ ଏବଂ ଆଇଡିଆକୁ ଏବେ ‘ଭିଆଇ’ ଭାବରେ ନାମିତ କରାଯାଇଛି । ସୁଚନା ଯେ, ଭୋଡାଫୋନ୍ ଏବଂ ଆଇଡିଆ ଅଗଷ୍ଟ ୨୦୧୮ରେ ମିଶ୍ରିଣ ହେଲା ପରେ ମଧ୍ୟ ଉଭୟ କମ୍ପାନୀ ସେମାନଙ୍କ ନିଜ ନାମରେ ଚାଲି ଆସୁଥିଲେ । କିନ୍ତୁ ଏବେ ଦୁଇ ବର୍ଷ ପରେ ସେମାନଙ୍କ ନାମରେ ପରିବର୍ତ୍ତନ ଅଣାଯାଇଛି ।
ତେବେ ଏହି ନୂତନ ନାମ ଘୋଷଣା ବିଷୟରେ ସିଇଓ ରବିନ୍ଦ୍ର ତାକ୍କର କହିଛନ୍ତି, ଦୁଇଟି ବ୍ରାଣ୍ଡର ଏକକୀକରଣ ହେଲା ବିଶ୍ୱର ସର୍ବବୃହତ ଟେଲିକମ୍ ଏକୀକରଣ । ଏହି ଘୋଷଣା ପୂର୍ବରୁ, ଭୋଡାଫୋନ୍ ଆଇଡିଆର ଷ୍ଟକ୍ ଆଜି ସକାଳେ ୧୦ ପ୍ରତିଶତକୁ ବୃଦ୍ଧି ପାଇଛି। ବର୍ତ୍ତମାନ ପାଇଁ କେବଳ ନୂତନ ନାମ ଘୋଷଣା ହୋଇଛି । କିନ୍ତୁ ଏହାର ପ୍ଲାନରେ କୌଣସି ପରିବର୍ତ୍ତନ କରାଯାଇନାହିଁ । କିନ୍ତୁ ପରବର୍ତ୍ତୀ ସମୟରେ ପ୍ଲାନରେ ପରିବର୍ତ୍ତନ କରାଯାଇ ପାରେ ବୋଲି ସୁଚନା ରହିଛି।