(ଭୁବନେଶ୍ୱର) : ରାଜ୍ୟରେ କୋଭିଡ୍ର କେପି. ୨ ପ୍ରଜାତିର ୧୭ ମାମଲା ନଜରକୁ ଆସିଛି। ଦୁଇବର୍ଷ ତଳେ ଚିହ୍ନଟ ହୋଇଥିବା ଓମିକ୍ରନ୍ ପ୍ରଜାତିର ଜେଏନ୍.୧ ଉପ-ପ୍ରଜାତି ଅଧୀନରେ ଆସୁଛି କେପି.୨। ଯାହାକି ଏବେ ସିଙ୍ଗାପୁରେ କରୋନା ସଂକ୍ରମଣ ବ୍ୟାପିବା ପଛର ପ୍ରମୁଖ କାରଣ ପାଲଟିଛି। ଦେଶର ୭ଟି ରାଜ୍ୟରୁ ୩୪ଟି କେପି.୧ ମାମଲା ଚିହ୍ନଟ ହୋଇଛି। ମାତ୍ର ଓଡ଼ିଶାରେ ଏହା ମିଳିନାହିଁ। ପଶ୍ଚିମବଙ୍ଗରେ କେପି.୧ର ୨୩ ଓ କେପି.୨ର ୩୬ଟି କୋଭିଡ୍ ମାମଲା ନଜରକୁ ଆସିଛି।
ସୂଚନାନୁଯାୟୀ , ଅପରପକ୍ଷରେ ରାଜ୍ୟ ଜନସ୍ବାସ୍ଥ୍ୟ ନିର୍ଦ୍ଦେଶକ ଡା.ନୀଳକଣ୍ଠ ମିଶ୍ର କହିଛନ୍ତି, ଏହା କୌଣସି ନୂଆ ପ୍ରଜାତି ନୁହେଁ। ପୂର୍ବରୁ ରହିଥିବା ଜେଏନ୍.୧ର ଏବେ ନାମକରଣ କରାଯାଇଛି। ତେଣୁ ଏହାକୁ ନେଇ ଭୟଭୀତ ହେବାର କୌଣସି କାରଣ ନାହିଁ ବୋଲି ଡା.ମିଶ୍ର କହିଛନ୍ତି।
