କୂଅରେ ବୁଡି ଦୁଇ ମହିଳାଙ୍କ ମୃତ୍ୟୁ

କୋଟା: କୋଟା ଅନ୍ତର୍ଗତ ଏକ ଚାଷ ଜମିରେ ଥିବା କୂଅରେ ବୁଡି ଦୁଇ ମହିଳାଙ୍କ ମୃତ୍ୟୁ ହୋଇଛି । ଆଜି ପୁଲିସ ପକ୍ଷରୁ ଏହି ସୂଚନା ଦିଆଯାଇଛି । କୋଟା ଅନ୍ତର୍ଗତ ଜୱାତିକଲା ଗ୍ରାମର ଭୁଲିବାଈ ଗୁରଜାର (୩୦) ଓ ମଞ୍ଜୁ ମେଘୱାନ (୪୦) ଶୁକ୍ରବାର ଅପରାହ୍ନରେ ବିଲରେ କାମ କରୁଥିଲେ । ସେମାନଙ୍କ ମଧ୍ୟରୁ ଜଣେ ମହିଳା ୩୫ ଫୁଟ ଗଭୀର କୂଅରୁ ପାଣି କାଢୁଥିବା ବେଳେ ଗୋଡ ଖସିଯିବାରୁ ସେ କୂଅ ଭିତରେ ପଡିଯାଇଥିଲେ । ଏହା ଦେଖି ଅନ୍ୟ ମହିଳା ତାଙ୍କୁ ଉଦ୍ଧାର କରିବାକୁ ଚେଷ୍ଟା କରୁଥିବା ବେଳେ ମଧ୍ୟ କୂଅରେ ଖସି ପଡିଥିବା ସନ୍ଦେହ କରାଯାଉଛି । ସଂଧ୍ୟାରେ ଦୁହିଁଙ୍କ ମୃତଦେହ କୂଅରେ ଭାସୁଥିବା ଦେଖିବାକୁ ପାଇଥିଲେ । ଏହା ପରେ ପୁଲିସକୁ ସୂଚନା ଦିଆଯ।।ଇଥିଲା । ପୁଲିସ ସେଠାରେ ପହଁଚି ଉଭୟଙ୍କ ମୃତଦେହ ଉଦ୍ଧାର କରିଥିଲା ।