କୋହିମା: ନାଗାଲାଣ୍ଡରେ ହୋଇଥିବା ଗୁଳିମାଡ ଘଟଣାରେ ପୁଲିସ ରୁଜୁ କଲା ଏଫଆଇଆର । ପାରା ସ୍ପେଶାଲ ଫୋର୍ସ ବିରୋଧରେ ନିଜଆଡୁ ଏଫଆଇଆର ରୁଜୁ କରିଛି ପୁଲିସ । ଏଫଆଇଆରରେ ପୁଲିସ ପକ୍ଷରୁ କୁହାଯାଇଛି କି, ସ୍ପେଶାଲ ଫୋର୍ସ ଅପରେସନ ବାବଦରେ ପୁଲିସକୁ କୌଣସି ସୂଚନା ଦିଆଯାଇ ନ ଥିଲା । ଏହି ଗୁଳୁକାଣ୍ଡରେ ୧୪ ସାଧାରଣ ନାଗରିକଙ୍କ ମୃତ୍ୟୁ ହୋଇଛି । ସାଧାରଣ ନାଗରିକଙ୍କୁ ହତ୍ୟା ଓ ଆଘାତ ଦେବା ପାଇଁ ସୁରକ୍ଷା ବାହିନୀର ଉଦ୍ଦେଶ୍ୟ ଥିଲା ବୋଲି ଏଫଆଇଆରରେ ପୁଲିସ ଉଲ୍ଲେଖ କରିଛି ।
ମିଆଁମାରର ସୀମାବର୍ତ୍ତୀ ନାଗାଲାଣ୍ଡର ମୋନ ଜିଲ୍ଲା ଏଏଫଏସପିଏ ଆକ୍ଟ ଅଧୀନରେ ରହିଛି । ତେଣୁ କେନ୍ଦ୍ର ଅନୁମତି ନ ମିଳିଛି ସେଯାଏଁ ସେନାକୁ ଦୋଷୀ ସାବ୍ୟସ୍ତ କରିପାରିବ ନାହିଁ । ଅନ୍ୟ ପଟେ ସ୍ଥିତି ଗମ୍ଭୀର ରହିଥିଲେ ମଧ୍ୟ ନିୟନ୍ତ୍ରଣରେ ରହିଛି । ମୁଖ୍ୟମନ୍ତ୍ରୀ ନେଫିଓ ରିଓ ଆଜି ମେ।।ନା ଜିଲ୍ଲା ପରିଦର୍ଶନ କରି ସ୍ଥିତି ସମୀକ୍ଷା କରିବେ ।
