ପିପିଲି : ଟ୍ରକ ଦୁର୍ଘଟଣାରେ ଯୁବକ ମୃତ, ଦୁର୍ଘଟଣା ଘଟାଇ ଥିବା ଟ୍ରକ ରେ ନିଆଁ ଲଗାଇ ଦେଲେ ଲୋକେ । ପିପିଲି- ନିମାପଡା ରାସ୍ତାର ହରିପୁର ନିକଟସ୍ଥ ଜଇନାବାଦ ନିକଟରେ ଘଟିଛି ଏଭଳି ଅଭାବନୀୟ ଘଟଣା । ଘଟଣା ସ୍ଥଳରେ ଉତ୍ତେଜନା । ଅଗ୍ନିଶମ ବିଭାଗ କର୍ମଚାରୀ ପହଁଚି ନିଆଁ କୁ ଆୟତ୍ତ କରିଥିବା ବେଳେ ପୋଲିସ ପହଁଚି ପରିସ୍ଥିତି କୁ ଆୟତ୍ତ କରିଛି ।
ଯୁବକ ବାଲିପାଟଣା ଥାନା ଷୋମଣ। ପଞ୍ଚାୟତ ଖଇରାତ ଗ୍ରାମର ପ୍ରଦୀପ ପ୍ରଧାନ ବୟସ 33 ବୋଲି ଜଣାପଡ଼ିଛି । ସାଇକେଲ ରେ ଯାଉଥିବା ସମୟରେ ଟ୍ରକ ଯୁବକଙ୍କୁ ଧକ୍କା ଦେବା ଫଳରେ ଗୁରୁତର ଅବସ୍ଥାରେ ତାଙ୍କୁ କ୍ୟାପିଟାଲ ହସ୍ପିଟାଲ ଚିକିତ୍ସା ପାଇଁ ସ୍ଥାନାନ୍ତରିତ କରାଯାଇଥିଲା, ମାତ୍ର ସେଠାରେ ଡାକ୍ତର ତାଙ୍କୁ ମୃତ୍ୟୁ ଘୋଷଣା କରିଥିବା ବେଳେ ଏଠାରେ ସ୍ଥାନୀୟ ଲୋକମାନେ ଟ୍ରକରେ ନିଆଁ ଲଗାଇ ଦେଇଥିଲେ । ଦୁର୍ଘଟଣା ଘଟାଇ ଡ୍ରାଇଭର ଫେରାର ହୋଇ ଯାଇଥିଲା ବେଳେ ଟ୍ରକଟି ମଦ ଅନଲୋଡ଼ କରି ଫେରୁଥିବା ସମୟରେ ଦୁର୍ଘଟଣା ଘଟାଇ ଥିଲା ।
