( କଣିହାଁ /ଜ୍ୟୋତିରଞ୍ଜନ ଧର): ଆଇନ ଜାଲରେ ୭ ଜଣ ଶିକାରୀ । ଶନିବାର ଜଙ୍ଗଲରୁ ବାରହା ଶିକାର ପରେ ୭ ଅଭଯୁକ୍ତ ବାରହା ମାଂସ ଭାଗ କରୁଥିବା ବେଳେ ବନବିଭାଗ ପକ୍ଷରୁ ଅତର୍କିତ ଚଢ଼ାଉ କରାଯାଇ ପ୍ରଥମେ ସେମାନଙ୍କୁ କାବୁ କରାଯାଇ ଥିଲା ।
ସୂଚନାନୁଯାୟୀ, ଅନୁଗୋଳ ଜିଲ୍ଲା ତିଳେଶ୍ଵର ଡି ପି ଏଫ୍ ଜଙ୍ଗଲରୁ ୭ ଜଣ ଶିକାରୀ ଏକ ବାରହା କୁ ଗୋଡେଇ ଗୋଡେଇ ମାରିବା ପରେ ଏକ କୂଅରେ ଫୋପାଡ଼ି ଦେଇଥିଲେ । ଗିରଫ ଅଭିଯୁକ୍ତ ମାନେ ସମସ୍ତେ ଆମ୍ବସରମୁଣ୍ଡା ପଞ୍ଚାୟତ ମହୀଧରପୁର ଗ୍ରାମର ବୋଲି ଜଣାପଡିଛି। ଅଭିଯୁକ୍ତ ଶିକାରୀ ମାନେ ଉକ୍ତ ବାରହାକୁ ପଥର ଓ ଟାଙ୍ଗିଆରେ ମାରି କୂଅରେ ଫୋପାଡ଼ି ଦେଇଥିଲେ । ଶେଷରେ ମାଂସ ଭାଗ ଚାଲିଥିବାର ସୂଚନା ପାଇ ବିଭାଗୀୟ କର୍ମଚାରୀ ଅତର୍କିତ ଚଢାଉ କରିଥିଲେ। ଫରେଷ୍ଟର ସନ୍ତୋଷ କୁମାର ନାଏକ, ଫରେଷ୍ଟର ସୁବ୍ରତ କୁମାର ଶତପଥୀ, ବନରକ୍ଷୀ ଅଞ୍ଜଳୀ ବେହେରା, ବନରକ୍ଷୀ ଶାନ୍ତନୁ କୁମାର ଦେହୁରୀ ପ୍ରମୁଖ ଚଢାଉରେ ସାମିଲ ଥିଲେ । ମାଂସ ସହ ୭ ଶିକାରୀଙ୍କୁ ଗିରଫ କରିଥିଲେ । ସେମାନଙ୍କୁ ରବିବାର କୋର୍ଟ ଚାଲାଣ କରାଯିବ ବୋଲି ଫରେଷ୍ଟର ସନ୍ତୋଷ କୁମାର ନାଏକ ସୂଚନା ଦେଇଛନ୍ତି ।
