ତିରିଂରେ ୪କରୋନା ଆକ୍ରାନ୍ତ ଚିହ୍ନଟ

(ସତ୍ୟନାରାୟଣ ପାଲ /ରାଇରଙ୍ଗପୁର): ମୟୂରଭଞ୍ଜ ଜିଲ୍ଲାର ବାମନଘାଟି ଉପଖଣ୍ଡରେ କରୋନା ତାର କାୟା ବିସ୍ତାର କରିଚାଲିଛି । ଶୁକ୍ରବାର ଦିନ ମୟୂରଭଂଜ ଜିଲ୍ଲାର ଝାଡ଼ଖଣ୍ଡ ସିମାନ୍ତବର୍ତୀ ଜାମଦା ବ୍କକରେ ଜଣେ ଅଗ୍ନିଶମ କର୍ମଚାରୀ , ଜଣେ ଭିଏଲଡବ୍ଲ୍ୟୂ,ଜଣେ ସ୍ବାସ୍ଥ୍ୟ କର୍ମଚାରୀ,୨ଜଣ ସ୍ଥାନୀୟଙ୍କୁ ଚିହ୍ନଟ କରାଯାଇ କୋଭିଡ ହସ୍ପିଟାଲକୁ ସ୍ଥାନାନ୍ତରିତ କରାଯାଇଛି । ସେଥିମଧ୍ୟରୁ ୪ଜଣ ନିଜ ପରିବାର ସହ ରହୁଥିଲେ । ସେହିଭଳି ଝାଡ଼ଖଣ୍ଡ ସିମାନ୍ତ ତିରିଂ ବ୍ଲକର ଶନିବାର ଦିନ ମିଳିଥିବା ଖବର ଅନୁସାରେ ୪ଜଣ ଆକ୍ରାନ୍ତ ଚିହ୍ନଟ କରାଯିବା ସହ କୋଭିଡ ହସ୍ପିଟାଲକୁ ସ୍ଥାନାନ୍ତରିତ କରାଯାଇଛି । ପ୍ରଥମ ଥର ପାଇଁ ତିରିଂ ବ୍ଲକରେ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେଥିମଧ୍ୟରୁ ୨ ଜଣ କରୋନା ଯୋଦ୍ଧା ଏବଂ ମହିଳା ।୨ ଜଣ ପୁରୁଷ ଜଣେ ଅସ୍ଥାୟୀ ସ୍ବାସ୍ଥ୍ୟ ଶିବିରରୁ ଚିହ୍ନଟ କରାଯାଇଛି । ଅନ୍ୟ ମାନେ ପରିବାର ସହ ରହୁଥିଲେ ।
ଜାମଦା ଭିଏଲଡବ୍ଲ୍ୟୁ ଗତ ୮ ତାରିଖରେ ପଞ୍ଚାୟତ ସମିତି କାର୍ୟ୍ୟାଳୟରେ ବୈଠକରେ ଯୋଗ ଦେଇଥିଲେ । ବୈଠକରେ ସରକାରୀ କର୍ମଚାରୀ, ବିଭାଗୀୟ ଅଧିକାରୀ ଓ ଜନପ୍ରତିନିଧିଯୋଗ ଦେଇଥିଲେ । ଦିର୍ଘ ଦିନ ହେଲା ସେ ବହୁ ଲୋକଙ୍କ ସଂସ୍ପର୍ଶରେ ଆସିଛନ୍ତି । ତେଣୁ ୨ଟି ବ୍ଲକର କରୋନା ଆକ୍ରାନ୍ତ ମାନେ କୋଉଠୁଓ କେମିତି ସଂକ୍ରମିତ ହେଲେ ତାହା ବର୍ତମାନ ପ୍ରଶାସନର ମୁଣ୍ଡବ୍ୟଥାର କାରଣ ପାଲଟିଛି । ଏବଂ ଏହା ଏକ ଜଟିଳ କାର୍ୟ୍ୟ ।ସେହିଭଳି ଶନିବାର ଦିନ ମୟୁରଭଞ୍ଜ ଜିଲ୍ଲାର୧୪ କରୋନା ଆକ୍ରାନ୍ତ ଚିହ୍ଣଟ କରାଯାଇଛି।ସେଥି ମଧ୍ୟରୁ ୧୦ଜଣ ନିଜ ପରିବାର ସହ ରହୁଥିଲେ । ତିନି କରୋନା ଯୋଦ୍ଧା ଏବଂ ଜଣେ ଅସ୍ଥାୟୀ ଶିବିରରେ ଚିହ୍ନଟ କରାଯାଇଛି।ତନ୍ମଧ୍ୟରୁ ଜଣେ କୁସୁମୀ, ଖୁଣ୍ଟା, କୁଳିଅଣା ବ୍ଲକରୁ ଜଣେ ଲେଖାଏଁ, ତିରିଙ୍ଗ ବ୍ଲକ୪ଚାରି ଜଣ ଏବଂ ରରୁଆଁ ବ୍ଲକରୁ ୭ସାତ ଜଣ ଆକ୍ରାନ୍ତ ଚିନ୍ହଟ କରାଯାଇଛି।