ରାଜଧାନୀରେ ପୁଣି କରୋନା ଚିହ୍ନଟ

(ଭୁବନେଶ୍ୱର ) : ଭୁବନେଶ୍ୱରକୁ ଫେରିଲା କୋରୋନା । ୧୪ ଦିନ ପରେ ରାଜଧାନୀରେ ନୂଆ ଆକ୍ରାନ୍ତ ଚିହ୍ନଟ । ଆକ୍ରାନ୍ତ ହେଉଛନ୍ତି ମଧୁସୂଦନ ନଗର ଅଞ୍ଚଳର । ସେ ୪୧ ନମ୍ବର ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିବା ନେଇ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ମିଳିଛି । ୭୭ ବର୍ଷର ଏହି ବ୍ୟକ୍ତି ତାଙ୍କ ପୁଅଙ୍କ ସଂସ୍ପର୍ଶରେ ଆସିଥିବା ଜଣାପଡିଛି । ପୂରା ପରିବାର ସଦସ୍ୟଙ୍କ ସ୍ୱାବ ଟେଷ୍ଟ ପାଇଁ ଯାଇଛି। ଏହାକୁ ମିଶାଇ ଭୁବନେଶ୍ୱର ପଜିଟିଭ ସଂଖ୍ୟା ୪୭ ରେ ପହଞ୍ଚିଛି । ବର୍ତ୍ତମାନ ରାଜ୍ୟରେ କୋରୋନା ଆକ୍ରାନ୍ତଙ୍କ ସଂଖ୍ୟା ୧୧୯କୁ ବୃଦ୍ଧି ପାଇଥିବା ବେଳେ ୮୦ଟି ସକ୍ରିୟ ମାମଲା ରହିଛି । ସେଥିମଧ୍ୟରୁ ୩୮ ଜଣ ସୁସ୍ଥ ହେଲେଣି ଓ ଜଣଙ୍କର ମୃତ୍ୟୁ ହୋଇଛି। ତେବେ ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢୁଥିବା ବେଳେ ଦୀର୍ଘ ୧୪ ଦିନର ବ୍ୟବଧାନ ପରେ କୋରୋନା ହସଷ୍ପଟ ରାଜଧାନୀରେ ପୁଣି ଆକ୍ରାନ୍ତ ଚିହ୍ନଟ ସରକାରଙ୍କ ମୁଣ୍ଡ ବିନ୍ଧାର କାରଣ ପାଲଟିଛି।