ଭୁବନେଶ୍ୱର: ଏଣିକି ଡ୍ରାଇଭିଂ ଲାଇସେନ୍ସ ଓ ଅନ୍ୟ ଆରଟିଓ କାମ ପାଇଁ ଲୋକଙ୍କୁ ଆଉ ଆରଟିଓ ଅଫିସ ଆଗରେ ଲମ୍ବା ଧାଡିରେ ଦୀର୍ଘ ସମୟ ଧାଡ଼ିରେ ଛିଡ଼ା ହେବାକୁ ପଡ଼ିବନି । ଲୋକଙ୍କ ଡିଏଲ, ଗାଡି ରେଜିଷ୍ଟ୍ରେସନ ଆଦି ବିଭିନ୍ନ କାମ ପାଇଁ ଆରଟିଓରେ ସମୟ ନଷ୍ଟ କରିବାକୁ ହେବ ନାହିଁ । ଏଥିନେଇ ରାଜ୍ୟ ପରିବହନ ବିଭାଗ ପକ୍ଷରୁ ସ୍ମାର୍ଟ ପ୍ରୋସେସିଂ ପଦ୍ଧତି ଆରମ୍ଭ ହୋଇଛି । ଏହି କାର୍ଯ୍ୟ ଅନଲାଇନରେ ହେବ । ଏନେଇ ନ୍ୟାସନାଲ୍ ସ୍ମଲ୍ ଇଣ୍ଡିଷ୍ଟ୍ରିଜ୍ କୋର୍ପୋରେସନ୍ ସହ ଏମ୍ଓୟୁ ସ୍ୱାକ୍ଷରିତ ହୋଇଛି । ପ୍ରଥମ ପର୍ଯ୍ୟାୟରେ ଏହି ପଦ୍ଧତିକୁ ଭୁବନେଶ୍ୱର-୧, କଟକ, ବାଲେଶ୍ୱର, ଭାଦ୍ରକ, ଅନୁଗୁଳ, ଗଞ୍ଜାମ, ପୁରୀରେ ଆରମ୍ଭ କରାଯିବ । ଲୋକଙ୍କୁ ଗୁଣାତ୍ମକ ସେବା ଯୋଗାଇବା ପାଇଁ ଏଭଳି ନିଷ୍ପତ୍ତି ନିଆଯାଇଛି।
