ଶ୍ରୀନଗର: ଜାମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦ ହେବା ପରେ ସେଠାକାର ସ୍ଥିତି ଜାଣିବାକୁ ଗୁରୁବାର ଆମେରିକାର ରାଜଦୂତ କେନେଥ ଆଇ ଜଷ୍ଟରଙ୍କ ସମେତ ୧୬ ଦେଶର ପ୍ରତିନିଧି ଦୁଇ ଦିନିଆ ଗସ୍ତରେ ଶ୍ରୀନଗରରେ ପହଁଚିଛନ୍ତି । ଏମାନଙ୍କ ମଧ୍ୟରେ ରହିଛନ୍ତି ବାଙ୍ଗାଲାଦେଶ, ଭିଏତନାମ, ନର୍ୱେ, ମାଲଦୀପ, ଦକ୍ଷିଣ କୋରିଆ, ମସ୍କୋ, ନାଇଜେରିଆ, ଆର୍ଜେଣ୍ଟିନା, ଟୋଗଗୋ, ପେରୁ, ଆଦି ଦେଶର ରାଷ୍ଟ୍ରଦୂତ ଏହି ଦଳରେ ସାମିଲ ଅଛନ୍ତି । ଏମାନେ ଶ୍ରୀନଗରରେ ପହଞ୍ôଚବା ପରେ ଏମାନଙ୍କୁ ସେଠାରେ ଭବ୍ୟ ସମ୍ବର୍ଦ୍ଧନା ଜଣ।।ଯାଇଥିଲା ।
ଏହି ଗସ୍ତ କାଳରେ ସେମାନେ ଉପରାଜ୍ୟପାଳ ଜି ସି ମୁର୍ମୁ ଓ ସିଭିଲ ସୋସାଇଟର ସଦସ୍ୟଙ୍କୁ ଭେଟିବାର କାର୍ଯ୍ୟକ୍ରମ ରହିଛି । ଏମାନଙ୍କୁ ଏହି କେନ୍ଦ୍ରଶାସିତ ଅଞ୍ଚଳର ସୁରକ୍ଷା ବ୍ୟବସ୍ଥା ସମ୍ପର୍କରେ ବିଭିନ୍ନ ଏଜେନ୍ସି ଦ୍ୱାରା ସୁରକ୍ଷା ସ୍ଥିତି ସମ୍ପର୍କରେ ଅବଗତ କରାଯିବ । ପାକିସ୍ତାନର ଅପପ୍ରଚାରର ଯାଞ୍ଚ କରିବାକୁ ଏହି ପ୍ରତିନିଧି ଦଳ ଆଜି ଶ୍ରୀନଗରରେ ପହଁଚିଛନ୍ତି ।
ଏହା ପରେ ଆଉ ଏକ ୟୁରୋପୀୟ ପ୍ରତିନିଧି ଦଳ ମଧ୍ୟ ଆଗାମୀ ଦିନରେ କାଶ୍ମୀର ଗସ୍ତ କରି ସେଠାକାର ସ୍ଥିତିର ଅନୁଧ୍ୟାନ କରିବେ । ଏମାନେ ରାଜ୍ୟର ପୂର୍ବ ୩ ମୁଖ୍ୟମନ୍ତ୍ରୀ ଫାରୁକ ଅବ୍ଦୁଲ୍ଲ।।, ଉମର ଅବ୍ଦୁଲ୍ଲା ଓ ମହବୁବା ମୁଫ୍ତିଙ୍କୁ ଭେଟିବେ ।
ସୂଚନାଯୋଗ୍ୟ, ଏହା ପୂର୍ବରୁ ୨୩ ଜଣିଆ ୟୁରୋପୀୟ ସାଂସଦୀୟ ଦଳ ଜାମ୍ମୁ କାଶ୍ମୀରର ସ୍ଥିତି ଅନୁଧ୍ୟାନ କରିବାକୁ ଆସିଥିଲେ । ଅବଶ୍ୟ ସେହି ଦଳର ଅନୁଧ୍ୟାନ ଏକ ଅଣସରକାରୀ ଏଜେନ୍ସି ଦ୍ୱାରା କରାଯାଇ ଥିଲା ।
