ଜୁଲାଇ ୧୫ରେ ଆସିବ ସିବିଏସସି ଦଶମ, ଦ୍ୱାଦଶ ଫଳାଫଳ

ନୂଆଦିଲ୍ଲୀ: ଦଶମ ଏବଂ ଦ୍ବାଦଶ ଶ୍ରେଣୀ ବୋର୍ଡ ପରୀକ୍ଷା ଫଳାଫଳ ଜୁଲାଇ ୧୫ ସୁଦ୍ଧା ଘୋଷଣା କରାଯିବାକୁ ନେଇ ଆଜି କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସ୍ଇ) ଘୋଷଣା କରିଛି । କୋଭିଡ୍-୧୯ ସ୍ଥିତି ହେତୁ ହେବାକୁ ଥିବା ପରୀକ୍ଷା ବାତିଲ କରାଯାଇଛି । ବିକଳ୍ପ ମୂଲ୍ୟାଙ୍କନ ଯୋଜନା ପରେ ଫଳାଫଳ ଘୋଷଣା କରାଯିବ ବୋଲି ସିବିଏସସି ପରୀକ୍ଷା ନିୟନ୍ତ୍ରକ ସମୟ ଭରଦ୍ବାଜ ସୂଚନା ଦେଇଛନ୍ତି । ଦ୍ବାଦଶ ଶ୍ରେଣୀର ଛାତ୍ରଛାତ୍ରୀମାନଙ୍କୁ ସେମାନଙ୍କର ମାର୍କରେ ଉନ୍ନତି ଆଣିବା ପାଇଁ ପରେ ପରୀକ୍ଷା ଦେବାକୁ ସୁଯୋଗ ଦିଆଯିବ । ଭରଦ୍ୱାଜ କହିଛନ୍ତି ଯେ ଦଶମ ଶ୍ରେଣୀର ଛାତ୍ରଛାତ୍ରୀମାନେ ଏହି ପରୀକ୍ଷା ଦେବାକୁ ସୁଯୋଗ ପାଇବେ ନାହିଁ । କେବଳ ବୋର୍ଡ ଦ୍ବାରା ଘୋଷିତ ଫଳାଫଳକୁ ଅନ୍ତିମ ଗଣନା କରାଯିବ ।
ସୁପ୍ରିମକୋର୍ଟ କେନ୍ଦ୍ର ଏବଂ ସିବିଏସଇକୁ କୋଭିଡ୍-୧୯ ବିଶ୍ବ ମହାମାରୀ ହେତୁ ଦଶମ ଏବଂ ଦ୍ବାଦଶର ଅବଶିଷ୍ଟ ବୋର୍ଡ ପରୀକ୍ଷାକୁ ବାତିଲ କରିବା ଏବଂ ଜୁଲାଇରେ ହେବାକୁ ଥିବା ପରୀକ୍ଷା ପାଇଁ ଛାତ୍ରଛାତ୍ରୀଙ୍କୁ ମାର୍କ ପ୍ରଦାନ କରିବା ଯୋଜନାକୁ ମଞ୍ଜୁରୀ ଦେଇଛନ୍ତି ।