ଓଡିଶାରେ ଗତ ଗୋଟିଏ ଦିନରେ ୨୮୯୮ ନୂଆ ପଜିଟିଭ ଚିହ୍ନଟ

ଭୁବନେଶ୍ୱର: ରାଜ୍ୟରେ କରୋନା ସ୍ଥିତି ଗମ୍ଭୀର ହେବାରେ ଲାଗିଛି । ସରକାର କହୁଛନ୍ତି ପରୀକ୍ଷା ଅଧିକ ହେବାରୁ ପଜିଟିଭ ସଂଖ୍ୟା ଅଧିକ ବାହାରୁଛି । ତେବେ ଏହା ଚିନ୍ତାର କାରଣ ପାଲଟିଛି । ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ନୂଆ ୨୮୯୮ ଜଣ ପଜିଟିଭ ବାହାରିଥିବା ବେଳେ କ୍ୱାରେଣ୍ଟାଇନ ସେଣ୍ଟରରୁ ୧୭୯୨ ଓ ସ୍ଥାନୀୟ ସଂକ୍ରମିତ ୧୧୦୬ ଜଣ ରହିଛନ୍ତି । ଫଳରେ ରାଜ୍ୟରେ ମୋଟ ପଜିଟିଭ ସଂଖ୍ୟା ୭୦୦୨୦ରେ ପହଞ୍ଚିଥିବା ରାଜ୍ୟ ସୂଚନା ଓ ଲୋକ ସମ୍ପର୍କ ପକ୍ଷରୁ ସୂଚନା ଦିଆଯାଇଛି । ଆଜିର ପଜିଟିଭ ମଧ୍ୟରୁ ଖୋର୍ଦ୍ଧାରୁ ସର୍ବାଧିକ ୫୨୪ ଜଣ ଚିହ୍ନଟ ହୋଇଥିବା ବେଳେ ଗଞ୍ଜାମରୁ ୨୨୬, କଟକରୁ ୨୪୧, କୋରାପୁଟରୁ ୧୩୨, ନୟାଗଡରୁ ୨୩୨, ରାୟଗଡାରୁ ୧୦୫, ସୁନ୍ଦର ଗଡରୁ ୧୦୧ ବ।।ହାରି ଛନ୍ତି । ଅର୍ଥାତ ଏହି ସବୁ ଜିଲ୍ଲାରୁ ଚିହ୍ନଟ ପଜିଟିଭ ସଂଖ୍ୟା ୩ ଅଙ୍କରେ ରହିଛି ।