ତାଳଧ୍ୱଜ ରଥର ୧୩ଟି ଚକ ସମ୍ପୂର୍ଣ୍ଣ

(ଜୟନ୍ତ କୁମାର ସେଠୀ, ଗୋପ): ରଥ ଖଳାରେ ତିନି ରଥର ନିର୍ମାଣ କାର୍ୟ୍ୟ ଆଗେଇ ଚାଲିଛି। ଶ୍ରୀମନ୍ଦିର ପ୍ରଶାସନର ସୂଚନା ଅନୁଯାୟୀ ତାଳଧ୍ୱଜ ରଥର ୧୩ଟି ଚକ ସମ୍ପୂର୍ଣ୍ଣ ହୋଇଛି । ସେହିପରି ଦେବଦଳନ ରଥର ୧୨ଟି ଚକ ମଧ୍ୟରୁ ୧୧ଟି ଚକ ଓ ନନ୍ଦିଘୋଷ ରଥର ୧୬ଟି ଚକରୁ ୧୫ଟି ଚକ ଶେଷ ହୋଇଛି । ତିନି ରଥର ଦଣ୍ଡା ତିଆରି କାର୍ୟ୍ୟ ଆରଂଭ ହୋଇଛି । ସେହିପରି ରୂପକାର ସେବକମାନେ ଗୁଜରେ ସିଂହ ବରାଳ ରୂପ ଖୋଦେଇ କାର୍ୟ୍ୟ ୭୫ ଭାଗ ସମ୍ପୂର୍ଣ୍ଣ ହୋଇଛି । ଅନ୍ୟପଟେ ଦୋଳ ବେଦୀ କମାର ଶାଳରେ ଓଝା ସେବକମାନେ ଦଣ୍ଡା କଣ୍ଟା ପ୍ରସ୍ତୁତିରେ ଲାଗିଛନ୍ତି। ତେବେ ସ୍ନାନଯାତ୍ରା ପାଖେଇ ଆସୁଥିବାରୁ ପରମ୍ପରା ଅନୁଯାୟୀ ଉକ୍ତ ଦିନ ତିନି ରଥର ଚାରି ନାହାକ କାର୍ୟ୍ୟକୁ ଶୀଘ୍ର ଆଗେଇ ନେଉଛନ୍ତି ବିଶ୍ୱକର୍ମାମାନେ।