ଆଜ୍ଞାମାନ ବିଜେ ନୀତି ସମ୍ପନ୍ନ

ପୁରୀ: ଆସନ୍ତା କାଲି ରଥଯାତ୍ରା । ରଥଯାତ୍ରା ବନ୍ଦ ପାଇଁ ସୁପ୍ରିମକୋର୍ଟଙ୍କ ପୁନର୍ବିଚାର ପାଇଁ ୧୯ଟି ଯାଚିକା କୋର୍ଟରେ ଦାୟର ହୋଇଛି ଓ ଆଜି ଏଥିନେଇ ଚୂଡାନ୍ତ ରାୟ ୍ରଆସିବ । କିନ୍ତୁ ଜଗନ୍ନାଥ ପ୍ରେମୀଙ୍କ ମଧ୍ୟରେ ରଥ ଯାତ୍ରାକୁ ନେଇ ରହିଛି ଦୃଢ ବିଶ୍ୱାସ । ତେଣୁ ଆଜି ରୀତିନୀତି ମଧ୍ୟରେ ତିନି ରଥରେ ଆଜ୍ଞାମାନ ବିଜେ ନୀତି ଅନୁଷ୍ଠିତ ହୋଇଯାଇଛି । ପ୍ରଥମେ ତାଳଧ୍ବଜ, ତା’ପରେ ନନ୍ଦିଘୋଷ ଓ ଶେଷରେ ଦେବଦଳନ ରଥରେ ଆଜ୍ଞାମାଳ ବିଜେ ହୋଇଛି । ପାରମ୍ପରିକ ସେବକମାନେ ଏହି ନୀତି ସମ୍ପାଦନ କରିଛନ୍ତି ।
ଏହାପରେ ରଥଖଳାରେ ପ୍ରସ୍ତୁତ ହୋଇ ରହିଥିବା ତିନି ରଥକୁ ରଥ ଖଳାରୁ ଶ୍ରୀମନ୍ଦିର ସିଂହଦ୍ୱାର ସମ୍ମୁଖ ଚକଡ଼ାକୁ ନିଆଯିବାର ପରମ୍ପରା ରହିଛି। ରଥଖଳାରେ ତିନି ରଥରେ ଆଜ୍ଞାମାଳ ବିଜେ ପରେ ପୁଲିସ ପ୍ରଶାସନ, ଶ୍ରୀମନ୍ଦିର ପ୍ରଶାସନ ଓ ସେବକମାନେ ତିନି ରଥକୁ ସିଂହଦ୍ୱାର ଚକଡ଼ାକୁ ଟାଣି ନେଇଥାନ୍ତି। ତିନି ରଥକୁ ଉତ୍ତରମୁହାଁ କରି ରଖାଯିବା ପରେ ଶ୍ରୀଗୁଣ୍ଡିଚା ଯାତ୍ରା ଦିନ ତିନି ରଥରେ ଠାକୁରଙ୍କୁ ବିଜେ କରି ରଥଟଣା ଆରମ୍ଭ ହୋଇଥାଏ।